عنجد سمبوسك اللبنة والزعتر كتيييييييييييييييييير طيبين وجربوها
لانها نالت الاعجاب والاستحسان من الجميع وحتى الخلطة عملوها سندويشات وكاسة شاي وطلعت خياااااااال ..... مممممممممممممممممممممممممممممممم عنجد طيبة كتير ما شاء الله وبتمنى انكم تجربوها وتدعولي كتيييييييير
بسم الله على بركة الله
المقادير
لبنة
زعتر اخضر طازج ( بتجيبوه وبتشيلو الورق عن العروق وبتغسلوه كويس كتير وبعدين بتنشفو من المي )
زيت زيتون
رقائق سمبوسك
وفي صحن عميق بنحط اول شي اللبنة
وبعدين بنحط الزعتر الاخضر الطازة وبنخلطها مع اللبنة كويس
وبعدين بنحط زيت الزيتون وبنخلطهم كويس وبهيك بتكون الحشوة جهزت وصارت فل اوبشن هههههههههه
بنحضر تجهيزات الحشو
الرقائق
والحشوة
وخلطة التلصيق الي هي المي مع الطحين
وبنبلش نلف السمبوسك وبالطرف الاخير بنحط من المي مع الطحين بالفرشاي وبنسكرها وبتبطل تفتح
وبعدين بنحمي زيت نباتي للقلي وبس يحمى الزيت بنقليهم حتى يصير لونهم ذهبي وبنقدمهم وبالهنا يا رب
ادعولي كتييييييييييييييييييييييييييييييييييير
وجربوها وانا متأكدة انكم رح تحبوها
سهلة كتير وما بدها اشي
الله يسر امركم ويفتحها عليكم يا رب
وصحتين وعافية
