سمعتكم كتير اسمعونى بقى

السلام عليكم ورحمه الله وبركاته



طبعا المقدمه المعتادة انى استفدت منكم كتير وعيزا افيدكم

بس انا كلامى هيكون غير



لان شعرى ادمر من الوصفات والزيوووووووووووووووت وكتمه الشعر بالبلستيك اللى بيتلف على الشعر


الحكايه ان شعرى عدم وبقى كام شعره وزوجى مبيسكتش حقه واخد واحده :(شعرى طويل مقلناش حاجه بس راسى كلها بينه



سمعت من اطباء جلديه ان الزيوت بتدمر الشعر وبتخلى الشعرة متنتجش زيت فتنشف


والزيت بيفيد بس الشعر اللى عامل زى شعر الخيل غير كده الزيت يضر


غير كمان حالات القشرة لما تكون فروة الراس دهنيه ويتحطلها كمان زيت الحاله بتسوء اكتر


المهم روحه لدكتورة جلديه

بشتكى من القشرة والشعر الخفيف


كتبتلى على ميزورال للقشرة ماشاء الله جميل

والشعر الخفيف قالتلى دا وراثه

قلتلها بس امى كان شعرها تقيل قالتلى دا بيظهر فى اى مرحله من مراحل البلوغ


الدكتور كمان اللى سمعته على قناة مش فكراها


بيقول ان الوراثه مش لازم من الام ممكن من الاب بس الست مبتصلعش لاكن شعرها بيخف جدا


انا بقى ورثت من الاتنين هههههه



المهم الدكتورة قالتلى لبس الحجاب كتير بيسبب التساقط قالتلى اقلل الخروج عشان مكتمش شعرى

وملبس حجات كتير على راسى

المهم كتبتلى هير باك استمريت عليه حوالى شهرين بس مكنتش منتظمه اوى وكان مقرف شويه المهم خلتها تكتبلى حاجه تانيه فكتبتلى ريفيفوجين


نازل جديد فى السوق المصرى


عجبنى جدا وبينعم الشعر كمان كتبتلى استعمله 3 شهور بس رغم ان النشرة بتاعته مكتوب يستعمل عشان تبقى النتايج حلوة اوى يستعمل سنه ونص

بس هيا كتبت 3 شهور بس

وبفضل الله بستعمله بقالى 15 يوم


ومرتاحه عليه ماشاء الله


طبعا انا بدات من يوم 3 فى شهر 5 فى هير باك

يعنى بتعالج من 3 شهور

بس ماشاء الله ماشاء الله ماشاء الله



فى تحسن كتير عن الاول يعنى مبقتش :(



ماشاء الله بس لازم استمر على العلاج الفترة اللى حددتها الدكتورة عشان الشعر ميقعش تانى



بس بينى وبينكم انا ناويه استمر عليه شويه اكتر لانه عامل زى مكون حاطه زيت فى شعرى وبيستخدم مرة واحدة فى اليوم


ادعولى بقى شعرى يتقل ويطول لحسن انا قصيته اقصر حاجه عشان العلاج وزوجى بيحب الشعر الطويل


وطالبه من اللى تقرا موضوعى تقول ماشاء الله لا قوة الا بالله

وربنا يجمل شعوركم يارب