سمعتوا أحد ياكل طين ومدمن عليه ..!!!!

السلام عليكم ورحمة الله وبركاته

يابنات بارك الله فيكم

تعرفون طين الخاوه الي ينباع بمحلات العطارة

اذكر شفت موضوع عن اخت جزاها الله خير كانت كاتبة وصفة للبشرة وهي
خلط طين خاوة مع حليب وتوضع على البشرة لتنقيتها وعمل ماسك لها
طبعا انا شريت الطين وهو شكله عبارة عن احجار طينية جامدة وانتي في البيت
ممكن تكسرينه وتضعينه بمطحنة البن وتطحنينه ناعم وتحطينه بقرشه للاستعمال
طبعا انا سويت وطحنته واستعملته مرة مرتين ونسيته
وفي مرة كنت عند صديقتي والا اسمع انها مدمنه على طين الخاوة وكل يوم تاكله
الى درجة ان اهلها يخشونه عنها ويخفونه ولكن دون فايدة
عاد مادري اذا له اثار على الصحة او سوه شي فيها .. لحد هني وانتهى

اذكر يوم كنت حامل بولدي قبل الاخير وكنت بالشهر الثامن اشتهيت كل مااشوف طين الارض او رمل ودي اكل بس كنت اخاف ..الحمد لله على النعمة صج حريم ومشتهاهم ..بس وقتها ماعرف شنو طين خاوه ولا سئلت
كتمت هذا الشي بنفسي وعدى حملي على خير

المهم

بعد ماشفت صديقتي واكلها للطين ..جات نفسي عليه مع اني مو حامل ولاشي
وتذكرت ان عندي الطين المطحون ومن يومها يابنات وانا اكل بالملعقة الصغيرة وامضغه
واشرب عليه ماي

حبايبي سامحوني طولت عليكم

سؤالي من هذا الموضوع كله ..هل في اضرار صحية من اكل الطين ؟؟
صراحة صرت مدمنه عليه كل مااتذكره لازم اكل منه
وهو يكون مثل الرمل الناعم جدا ومن ينخلط بالماء صار طين

رجائي الي عندها فكرة عن الطين او تسئل كبار السن من الحريم لان الاوليين يعرفونه اكثر منا

وجزاكم الله خير والبسكم ثوب الصحة والعافية

افيدوني افادكم الله ؟؟؟؟؟