انا اسويه ويطلع يمي قلت خل احط طريقته عشان اتجربونه
وبسم الله نبدأ
المقادير
دجاجه
كوبين عيش
بصله كبيره مفرومه
2 طماط مقطع
2 فلفل اخضر حار
بهار حب (ورق غار+عود قرفه+4 حبات هيل)
بهارات مطحونه (ملح +فلفل اسود+كمون مطحون +كركم+بزار عربي+قرفه)
علبة روب
ملعقتين زبده
شوية زعفران منقوع في ماي ورد
الطريقه
نقلي البصل ونحط وياه البهار الحب والفلفل الاخضر
يوم يستوي لونه ذهبي نحط عليه الدجاج لمجرد التحمير الخفيف
نحط البهارات المطحونه والطماط
والحين يا دور سر النكهه اللي هو الروب
نصب ماي عليه ونخليه يغلي لين ينضج الدجاج
بعد ما ينضج الدجاج ويقل الماي نطلع الدجاج ونحطه على جنب
ونحط العيش في الماي ولازم ايكون الماي اكثر شوي عن العيش ونخليه يغلي لين ينضج العيش
لما ينشف الماي نرش من فوق شوي من الزعفران ونوزع الزبده (وممكن تبدلون الزبده بالدهن العربي)
نرد الدجاج على العيش ونرشه بباقي الزعفران ونغطيه ونخليه على نار هادئه عشان يتسكر
وخلاص بالعافيه عليكم
وان شاء الله يعيبكم
تسلم يدينك حبيبتي شكله لذيذ