سمعتي بالصدفه احد يحش فيكي .....وكيف تصرفتي

السلام عليكم
كنت بكتب موضوع وهونت
عاد قلت اسولف معاكم
اكيد انه موقف بايخ واحراج تسمعين احد بالصدفه يحش فيك
بقول لكم موقفي
زمان كنت صغيره يمكن ثمان سنوات كنا نايمين بييت عمتي زايرينهم بديره ثانيه ، يحسبوني نايمه سمعت بنات عمتي الكبار اكبر مني بكثير يحشون فيني 😭ويحشون بامي ويضحكون سوالف عاديه لكن هم فيهم شوفه نفس الله يسامحهم على صغر سني لكن غصتني العبره وزعلت طول اليوم وماارتحت الا لما رحنا منهم ( الكبرياء عاد من الصغر )
ومره كنا بقروب كبير وطلعت منه جتني فتره انشغلت وطلعت من كل القروبات ، رجعت قلت لمديره القروب دخليني القروب مره ثانيه دخلتني وبلغت القروب فلانه رجعت ، وحده من البنات بدت تحش ناسيه وش قالت مثل الحين افتركتنا او مدري ناسيه لكن كلام مو ترحيبي وهي تحسب اني مو معاهم بالقروب وانصدمت لما شافت اسمي
عطوني مواقفكم وكيف رده فعلكم