شفت كمن طريقة لزانيا دايما تنفاح قبل و انا ما أحب هالخطوة ولا جد سويتها دايما أسويها بافرن على طول و هي نيه
بس اكتشفت ان هذا يعتمد على نوع الزانيا بعضها مكتوب عليها لازم تنفاح و البعض في الفرن بس
النوع اللي أنا أستعمله:
مكتوب عليه no prcooking
مقادير الصلصة:
لحم بقري مفروم نص كيلو
بصل
زيت يتون
ثوم
ملح و فلفل اسود
عود قرفه
ثلاث حبات قرنفل
علبتين طماطم معلب
قفشتين معجون
اوريغانو (او اعشاب عطرية)
نحمس البصل ثم نضيف الثوم و انا احب احمر اللحم زين و نظيف البهارات و الطماط (اقصصه او احطه في الخلاط) اضيف المعجون و خليه على نار هادية و ضيفي الاعشاب اخر شيء
و زيديها ماي اذا كانت ناشفه
و يصير عتدج الصوص :
و سوي بشميل:
طريقتي
ثلاث ملاعق زبدة أسيحهم و اضيف ثلاث ملاعق دقيق
و احمسهم شوي و اضيف حليب شوي شوي و اخلط بالسلك
و اضيف ملح و ممكن فلفل اسود
و ملعقة جبن كاسات
و اذا تحبين تضيفين بارميزان ممكن
او سوي بشميل جاهز
بما اني اخفف احط بشميل بس فوق بس ممكن فوق كل لحم تحطين بشميل و جبن بارميزان
ازل شيء حطي صوص لحم فيقلع الصينيه عشانما تلزق المكرونة
و حطي اول طبقه من المكرونه كسريها حسب صينيتج
و استمري في الطبقات