سمعتي عن كريمات افالون للتبييض ! خذي تجربتي الاكيده ,’

السلام عليكم ورحمة الله وبركاته
<- - تذكروا لو رديتوا تاخذوا الضععف :)
كيفكم ياحوائيآت ؟
حبيباتي بدخل بالموضوع دوغري مااحب كثرة المقدمات ,
ادري اكثركم سمع عن الافوكوين 4% والافوتين وتخلطينهم ويبيضون
وناس جربتهم وانكرت النتيجه , وناس سمّرهم زود , :)
بس انا جازفت وسويته :22: هي خاربه خاربه
والله يابنات ان ركبتي كانت شي , يمكن انا كنت اشوفها مو مقبوله مع ان اغلبهم
يقولون لي انها مو ذاك الزود , لكن مافي ثقه بالركبه ابد ههههههه
وابطي كان مسمر لكن مو ذاك الزود
وانا مع نفسي استحي البس شورتات حتى مع بنات خالتي وكذا استحي البس قصير او كت من التعليقات
لكن بالصدفه دخلت موضوع لمين مااذكر لكن اللي اذكره انه من هالمنتدى :)
وحده تنصح بالأفوكوين والكل حط تجاربه بنجاح هالكريم
انا دخلت براسي الفكره وبحثت بقوقل الا في بعض اخواتنا يحطموني
فأنا قلت التجربه خير برهان اجرب وهي بروحها مو عاجبتني فإذا شانت شانت واذا زانت خير من ربي
واشتريته لوحده ماخلطته مع كريم ثآني , :eek:
إلا اشوف ركبتي صارت اسود من قبل :09: وابطي سود بكثير
فكرت اوقف بس قلت بكمل وبجازف :22: خاربه خاربه
ابطي كل ماله يسمر زياده يعني حتى لم ارخي ايدي يبان انه اسمر :(
رحت اشتكيت للوالده وقلت ابي اروح دكتور جلديه وسويت حنه ورنه بس الوالده قالت
بطلي هالكريم لكن انا مستمره ماادري في شي يقول لا توقفين ,
المهم لم شفت ابطي يسود خفت فوقفته على ابطي لكن مستمره ع الركبه
مر شهر اول اسبوعين من هالشهر سودت ركبتي مره والاسبوعين الثانيين رجعت ركبتي للونها الطبيعي اللي متعوده عليه
المهم كملت شهر ثاني على نهايته بدت تفتح الركبه , والشهر الثالث فتحت عن اول بـ 50% :icon28:
وجاتنا مناسبه ولبست تنوره قصيره شوي , اقسم بالله ان صديقتي تقول لي فتحت ركبتك عن اول بكثير ,
شوفوا انا والله اعلم ايش السبب من بياضها بالضبط ماادري ,
لأني استخدم كذا شي , اول شي استخدمه الدعاء , :)
ثاني شي الاستحمام اليوم وفرك خفيف بالليفه مو تفركين بكل قوتك !
وثالث شي قبل مااحط الافوكوين امسح بقنطه فيها اسكينول بالخيار وانظف ركبتي فيه
وبعدين احط الافوكوين , وانا مااتعرض لأي ضوء لأنه لو تعرضتي لأي ضوء يسمّر زود ,
ولم اصحى اتروش , عشآن ابعده عن جسمي وهكذآ ,
بالنسبه لأبطي استخدمت خلطه ثآنيه والله يابنات ان ابطي اصطفى عن اوول يعني سمار مااشوف لا جيت ارفع ايدي والله مااشوف والفضل لله سبحانه وتعالى ثم الخلطه , الله يديم علي هالصفاء
الخلطه حق الابط بعلمكم فيها بس اشوف ردود تسر الخاطر ترى والله تعبت اكتب لكم هالهذره وانا اختكم
وفي النهااااااايه خذي هالملاحظه ياحواااااء :-
ترى جسم عن جسم يفرق بعض الاجسام تناسبها الخلطات وبعضها كريمات وبعضها صافيه رباني
يعني انا ناسبني هالكريم ممكن مايعطي نتيجه لجسم وحده ثانيه , وهكذا
هذا شي والشي الثاني , لا تستعجلين النتيجه اصبري على الاقل 3 شهور
والله ولي التوفيق
محبتكم ,