زعولـة @zaaol_1

عضوة نشيطة

سمعت اخبار عن شغالتي سببت لي قلق فضيع

اهلين بنات

قصتي باختصار

اني تعبت من شغل البيت وجبت خادمه اندونوسيه بس ماتخيلت وضعي كذا

ماعد خذت راحتي بالبيت واذا شافت زوجي يمازحني ولا يدلعني تقط معنا يابنات

والامر من ذا ان زوجي انا جاء تقمز ترزز عنده

اانا ماهمني لان زوجي الحمد الله مو من النوع اللي عينه زايغه وهي تحوم الكبد

مره ارسلتها عند اهلي وفتشت غرفتها

لقيت معها مشد

مو مشكله

لقيت معها مكياج كامل بالحمام ويوم لاحظه ولاها كل يوم تحط اساس وكحل وقلوس !!

انا بالدوام ماحطيت حتى الكحل ياحسرة

المهم ولقيت معها محلول للتضويق

وطنشت

المهم اني لاحظت انها راعية رجال اخذتها معي للسوق كم مره من النوع اللي تسرح مع الرجال كثير

اضطريت اني اسافر فترة

فتركتها عند صديقتي

وصديقتي عندها خادمه من 6 سنوات والخادمه روعه مره

لدرجة انها تعلم عن الشغالات اذا نوو ينحاشون

المهم رجعت وخذتها

كانت شغالتي معصبه ليش ماسافرت معي !!

طنشتها وماتناقشت معها

دقت علي صديقتي قالت شوفي يافلانه انا بحذرك وانتي حره

شغالتك جاية وبراسها رجال

لدرجه انها تحكي عن جمال زوجي لشغالة صديقتي

وحاولت ترزز عند زوج صديقتي

لكن صديقتي جريئة هزئتها وقالت لعمرك تطلعين عنده

انا تذكرت ساعتها مره قمت من النوم ولا الهانم تمشى بالبيت ببنطلون سترتش وزوجي بالبيت

يوم هاوشتها قالت كل ثيابي وسخه!!

المهم انها تقول لشغالة صديقتي ماتعرفين هندي بعمارتكم ننبسط معه !!

انصدمت مره المشكلة حتى الجوال ماجبت لها

وش اسوي يابنات اسفرها

المشكلة اني انتظر طفل بعد فترة لكن يمديني اسفرها واجيب غيرها

وانا وراي دوام يعني لازم اخلي الطفل عندها

وانا خلقه مو مرتاحه لها تطبخ لي كيف تحرس طفل

ولا اطنش صديقتي واهم شي ان زوجي مو راعي خرابيط

:(

اخاف تسحره ولا تحط لي شي

160

12K

يلزم عليك تسجيل الدخول أولًا لكتابة تعليق.

تسجيل دخول

غصن الخزامى • 17 سنة

والله إن كان الكلام صحيح لاو الله لاتخلينها عندك دقيقة وحدة
الله يكافينا شرهم

جارة قمر • 17 سنة

وضع شغالتك كله مو مريح مبين عليها مو حقة شغل ..

والي هذا اوله ينعاف تاليه ..

نصيحه من القلب كله ولا الطفل تحطينه عندها الي هذي افكارها صعب تعدلينها واذا عدلتيها حقدت عليك ويمكن لا سمح الله يكون طفلك ضحيه لحقدها..

أم التوفي • 17 سنة

والله اللي لاقيه عندها خرابيط ومحلول ودنيا الا انتي المفروض تعرفين ..

يا عمري انتبهي لنفسك وترا كثر الدق يفك اللحام. .

لا تقولين زوجي وزوجي .. ابليس شاطر ويزين كل شي ..

وبعدين لخدامة اجنبية عنه يعني مااااااااااا يجوز يشوفها ولا تقعد عنده ..

انتي خليك قوية ..

اذا جا زوجك من الدوام روحي سكري باب المطبخ وخيها هناك او اذا عندا شغل وكوي سكري عليها باب الغرفة وقولي لها لا تطلعين لين اقلك .. وانتي قدمي لزوجك كل شي من موية لغدا ..واذا انتي تعبانة جهزي السفرة قبل لا يرجع ...

اذا تفرعنت وقالت انا عندي شغل وابي اسوي قولي لاااااااااااااا ... ولا تكثرين حكي معها ..

والمفروض انك لا شفتيها في نص الليل بالبنطلون وريتيها العين الحمرا .. ولا تقولين لها ليش لابسة .. قولي بكل بساطة : لا اشوفك لابسة هاللبس مرة ثانية ..

واستخيري في تسفيرها اذا كنتي مو مرتاحة لها ..

الا سؤال .. كم لها عندك؟؟؟

الله يكفيك شرها ..

asm_acn • 17 سنة

حبيبتي هذي لو عندي سفرتها على طول ما شاء الله كويس إنه زوجك عينه مو زايغة بس انتبهي هذي و إنتي في العمل ممكن تدخل واحد في البيت ووحدة زي كذا ما أقدر أتركها مع ولدي دقيقة علشان ما تتعبي أنا مرة كذا سويت اطلبي خدامة و بعدين لما تجي الجديدة في نفس اليوم سفري القديمة و ضروري ما تعلميها إنها بتسافر سوي نفسك عادي و يوم السفر طلعيها المطار بدون ما تدري وين رايحة ولا تاخذ ولا غرض لك أو لها و علشان ما تظلميها اشتري لها ملابس جديدة و حطيها في شنطة جديدة كمان ..أتمنى إني أفدتك..

المطنقره • 17 سنة

بعد هذا كله تسألين ،،، هذي لاتخلينها عندك ابددد وفتشيها قبل لاتروح لاتجيب لك مصيبه هذي تدور للحرااام واللي تتجراء على الحرام بتسوي اي شييي
انتي اللحين تقولين زوجك ولله الحمد يخاف ربه ، بس كييف تستأمنين طفلك عندها هذولا بلا ذمه ولا ضمير اذا الكبير ماعطاهم وجه راحو لصغار حسبي الله عليهم ، فيه وحده من الأخوات في المنتدى تقول شغالتها حاولت مع زوجها بس لما ماقدرت عليه قامت على عيالها مسكييينه، تتحرش فيهم وتلمس عوراتهم واللحين الأم المسكينه قلبها محروق على عيالها الأثنين نزعت منهم البراءه