سمعت عن هالوصفة وعجزت ألقى المكون الرئيسي فيها

السلام عليكم ورحمة الله
شخباركم بنات وشلونكم مع الصراع مع السمنة
وربي جدا متضايقة من وضعي ..يا شيخة أحس اني أزيد كيلو كل يوم ..أسوي ريجيم وأنزل أقصى شي 6 كيلو وأرجعهم دبل ..:06:
الحين وزنت وجاتني حالة اكتئاب مو طبيعية لقيت وزني وصل 99 كيلو يعني بيني وبين المية كيلو واحد فقط :06: يا ربي خفف علي وعلى كل المسلمين وارفع عنا هالابتلاء يااااااااااااااا رب برحمتك يا رب
أقل مجهود أسويه أتعب ودايما حاسة بثقل وضيقة أدعوا لي بنات

المهم
انا قريت عن وصفة باكثر من منتدى يقولوا أنها تنزل الوزن بشكل خيالي وفي وقت قياسي والاجمل من كذا انها صحية وتنزل من الدهون اللي حوالين الكبد لأن فيها ليمون وتكلم عنها الدكتور جابر القحطاني

المهم الخلطة عبارة عن ورق عنب مجفف وليمون بس
تغلينهم سوا في ماء وتشربينهم 3 مرات بعد كل وجبة

أنا يا بنات رحت أشهر العطارين في الدمام اللي هم المالكي ولبن العصفور ولا لقيت عندهم ورق عنب مجفف فاللي تعرف وين ألقاه في الشرقية تدلني عسى ربي يوجهها لكل خير

واللي جربت الخلطة تقولنا النتائج للحماس والتشجيع لأني بحثت وفيه مدح بالمنتديات الثانية لهالخلطة غير طبيعي ولا فيه تجارب سلبية أنو وحدة تعبت أو مرضت أو شي فاللي جربتها تفيدنا وانا اللي محمسني على هالخلطة أني أثق بالليمون جدا لأني مرة نحفت عالليمون 6 كيلو لا وفي رمضان بعد بس كنت أشربه على فكة الريق وقبل النوم ..بس هالمرة أبي أنحف أكثر لأني بين وبين الوزن المثالي الحين 34 كيلو :06:

والله يعافيكم اللي تعرف إذا كان المعلب ينفع برضو تقول .. جزاكم الله خير

اللهم إني أسألك الصحة والعافية في ديني وبدني ومالي وأهلي يا أرحم الراحمين :44: