أم وليييد ياريتك ما استعجلتي وجربتي نصيحتي هل تذكرتيها لانك عارفه سلفتك دلوعه وما ادبت الولد

وتبيه مدلع مثلها على حساب الكل وعندها حاله نفسيه وما ينصح معها التفاهم وياريتك ما قلتيلها

بضرب ولدك علشان كذي احترت وكلامك لها كله زين وصحيح لكن عند نقطه الضرب هجت وما

اتحملت ولا اي شخص يبي اولاده ينضربون من اي حد حتى ولو اخوي بزعل وياريتك لو كلمتي اخو

زوجك اللي هو زوجها تقوليله ولدك بيتكلم كلام خايس علشان يعرف يادبه هو مو امه

لان زوجك ما يبي مشاكل مع اخوه على سبت الحريم فقد وقعك في مشاكل مع سلفتك لانها لا تقبل

التفاهم او تقولين لزوجك يقول للولد لو مره ثانيه سمعت حد يقولي قلت كلام خايس بضربك وليه ما

تقولي لام زوجك تتفاهم مع ولدها ابو الولد يادبه من الكلام الخايس

الرسالة الأصلية كتبت بواسطة صفيلح طري »
بعطيك حل ويارب يعجبك وحتى بيغيض امه حاولي تكسبينه بالمحبه والطيب واشتريله هديه وقوليله بناتي هم اخواتك وانتى اخوهم حبهم مثل ما يحبونك واذا شفت حد عليهم بياذيهم دافع عنهم لانك رجال والرجال يحمون الحريم الضعيفات واذا شفتيه رحبي به وسلمي عليه ومسحي على راسه ترا بيقل من كبرياءه وشقاوته وان شاء الله تكسبينه وبشوفينه وحاولي تفهمينه الكلام اللي قاله مو زين لانه كلام خايس والرجال ما يقول كلام خايس حتى اذا شفتيه سوا شئ غلط وما عجبه حاولي تنصحيه

والله يهديه


أم وليييد
تصدقي قرات ردك مرة ومرتين وثلاثة

وفكرت انه فعلا الطفل مثل العجينة قد ما تشكليه يتشكل معاكي

راح احاول اكسبه في صفي .. ونشوف النتايج

وان شاء الله تنحل المشكله

انتبهي على بناتك يمكن ولدها يختلط مع اولاد ما هم كويسين و احسن شيء خذيها بالطيب لان الغيره بين السلايف معروفه و يمكن هي حست انك تهينيها و تقولين لها ان بناتك متربيات وولدها لا يعني قوليلها خلينا نتعاون على تربيتهم و ننتبه لهم لانهم اطفال جهلاء ما يعرفون الصح من الغلط خوذيها بالطيب و خليها زي اختك و كمان لا تحس ان ام ززوجك منحازة لك لانه حتزداد تحقد عليك

انا اشوف ان طريقة حوارك معها ونصيحتك لها كانت جافة جدا وبأسلوب قوي
خلاها تعصب وتتنرفز وماتركز في القضية الاهم

اعانك الله اتركي الموضوع للرجال لاني اعتقد ان هذا الطفل امانه واخشى انه يجالس اولاد اكبر منه في المدرسه واخلاقهم سيئه فقد يجروه الى امور لاتحمد عقباها
حبذا لوتكلم عمه مع والده وناقشوا الطفل وبينوا له خطأ فعله وسألوه عن من يجالس او راقبوه
معليش طولت الموضوع بس لاني اعرف المدارس ومايجري فيها واستغلال صغار السن لان الكلمات اللي ذكرتيها قويه جدا لااعتقد انها تدار في البيوت العاديه وممكن تكون سبب في اصلاح ابناء المسلمين خصوصا لو خبركم الولد انه تعلم من المدرسه وتنقلوا الموضوع للمدير اللي بدوره ان شاءالله راح يعالج الامر وينتبه لطلابه
وفقك الله واصلح حال هذا الطفل وجعله من الصالحين

أول شي يا أختي أم وليد .. أنتي ما غلطتي ابداً ..

يعني المفروض لو هذي الأم عاقله.. لو قلتي لها بضرب ولدج.. بتقول لج اضربيه شوي يمكن يتأدب لأنه تعبني مع كلامه وألفاظه.. مش تقول لج بكسر ايدج.. هذا طبعا لو كانت طبيعيه ومهتمه فيه بتقول لج اضربيه وأدبيه..

أنا عن نفسي .. إذا عيالي ما سمعوا كلامي في شي .. أو سوو شي غلط.. وغلط متكرر.. استعين بأختي علشان تهاوشهم أو حتى تضربهم .. مع أنه ما قد وصل الموضوع للضرب .. وحتى أختي نفس الشي .. تقول لي اضربي عيالي اذا شفتيهم سوو شي غلط ..

يعني الموضوع شي طبيعي .. بس هذي الأم شكلها مب طبيعيه .. و ولدها كبير ويعتبر طفل مميز ... يعني مش ياهل وطفل ما يفهم على قولتها ..

بس نصيحه يا أم الولييد.. ابعدي بناتج عن ولدها... وقولي الحمدلله الذي عافاني مما ابتلاهم به.. لأنه العيب بلا ومن عيب ابتلا .. والله يهدي عيالنا وعيال المسلمين جميعاً ..

والأم مدرسه إذا أعددتها .. أعددت شعباً طيب الأعراق ..