أم وليييد @am_olyyyd

عضوة فعالة

سمعت كلامكم يا بنات حواء وكلمت سلفتي على ولدها.. بس تعالوا شوفوا ايش صاااار؟؟

انا حطيت موضوع امس بعنوان

ايش تسوي اذا ولد سلفتك شتمك وقال لك يا قحـ... وشر....

وهذا الرابط

http://forum.hawaaworld.com/showthread.php?t=947685

وطبعا اخذت بنصايح اغلب البنات انه لازم اتكلم مع امه عشان نحط حد للموضوع < مع انه مو اول

مرة اكلمها>

اليوم صار موقف

ولد سلفتي اليوم قال سبة جديدة لبنتي وقالها يا منيـو.....الخ <أكيد عرفتوها>

وطبعا قال الكلمةوانا وامه موجودين

وبعدين قلت فرصة اني اتكلم معاها

وقلت لها ما يصير ولدك كل مرة بيجيب كلمة جديدة وسبة جديدةويعلم البنات الكلام الوسخ

احنا لازم نحط حل للمشكلة

وقلتلها انا دحين عندي ولد عمره سنة واخاف يشوف ولد عمه يتكلم زي كده ويردد وراه الكلمه

وقلتلها لازم تخاصمي ولدك وتحرميه من الأشياء اللي يحبها عشان يحس بغلطه

وقلتلها مايصير انه ولدك ما يحترمني ويسبني قدام بناتي

وغيره من هالكلام

وشكلها اتضايقت وقالتلي .. يعني ايش تبغيني اسوي له ؟؟

قلتلها خاصميه لأنه هو المصدر بيجيب كلام من بره وبيعلم البنات

وقلت لها مو معقول نجلس نتفرج عليه

وقالت لي : ومين قلك اني انا ما أخاصمه واضربه؟؟

قلتلها : والله اللي انا شايفته انك ما تكلميه لأنه لو كنتي تخاصميه كان ما أتجرأ ويسب قدامك

<تخيلوا يسب قدامها .. معناته انها ما تخاصمه ولا يخاف منها>

وصارت تقول : حتى بناتك بيسبوا ويقللوا أدبهم

قلتلها : لو على بناتي فهذي من المدرسة اللي عندك

قلتلها اناحبيت اقلك عشان تعلميه .. مع انه زوجي وجدته قالولي اضربيه لكن ما حبيت

اضربه عشان لا تزعلي .. قلت انتي تفهميه افضل

عصبت وقالت : يعني انتي تبغي تضربيه؟؟

قلتلها : ايش رأيك احسن اقولك ؟؟ ولا اتصرف من دمااااغي؟؟

قالت لي < لاحظوا يا بنات>: والله العظيم لو ضربتيه لأكسر يدك فاهمه ولا لا؟؟

طبعا انا زعلت وقلت لها : عنادا فيكي انا ماراح اضربه وبس انا راح ادوسة تحت رجولي

اصلا لو انتي ربيتي ولدك كان ما احوجتيني اتدخل في الموضوع

وصارت تصرخ وتقووووووووول اطلعي برة البيت .. اطلعي برة

وانا قلت لها : اجلسي مكانك لأعطيكي كف على وجهك .. المفروض تحترميني في بيتك

وصارت تصيح والله يا بنات صارت تناااادي على زوجها < طبعا زوجها نايم في امان الله>

وصارت تدق الباب عليه بقوة وبقوة وتنادي عليه

انا طبعا خرجت من بيتها لأن زوجها صحي من النوم

وانا طالعة من بيتها جات تجري علي وتسحبني من بلوزتي وخمشتني في صدري

قالت لا تروحي تعالي هنا .. وصارت تنادي على زوجها .. وطبعا تصيح وتصيح <تعرف تعمل

مسلسلات>

لكن فكيت يدينها بقوة ورحت على بيتي لكن جات تسحبني من بلوزرتي وتقولي ليش شردتي؟؟

طبعا انا ما شردت < بس لأني اغطي من زوجها>

ولحقتني في بيتي وهي ماسكة بلوزتي وصارت تصيح وتنادي على زوجي وصارت تدق على باب

بيتي بقوة وتنادي على زوجي وتقووول انا تعباااااااانة انا مرييييييييييضة

والله قلتلها : كلنا تعبانين ومريضين مو بس انتي

المهم صحي زوجي من النوم من قوة صياحها وجاء يجري يقول ايش في؟؟؟

وطبعا هي جاء زوجها وصار يحاول يطلعها برة بيتي .. لكن هي طبعا جلست على الأرض تبكي

وبالقوة شالها من بيتي

وجات ام زوجي تجري من تحت تقول ايش في؟؟؟

وقلتله والله ما قلتلها شيء بس قاعدين نتكلم عادي واقولها لازم ندور حل للموضوع

لكن شكله ما عجبها الموضوع ... لا تبغى تربي ولدها ولا تبغا احد يعلمها او ينصحها

وقلتلها صارت تصيح في العمارة

مع انه والله الموضوع ما يستاهل ... لكن سلفتي عرفت تمثل على الكل وتسوي نفسها مغلوبة

ومظلومة

مع انه والله يا بنات والله العظيم مدت يدها علي وما ضربتها ولا سويت لها شيء

وام زوجي قالت لي : ليش ما ضربتيها زي ما ضربتك وطردتيها وصكيتي الباب

لأنه المفروض الموضوع ما يوصل للضرب .. لكن سلفتي هي اللي بدأت

يا بنات حواء لو انتم مكاني ايش راح تسوا؟؟؟؟

يلزم عليك تسجيل الدخول أولًا لكتابة تعليق.

تسجيل دخول

أم وليييد • 17 سنة

سناءالمغرب :

لا يمكنك مشاهدة هذا التعليق لانتهاكه شروط الاستخدام.

هذا وانا والله ما ضربت ولدها ولا شيء ولا حتى سبيته

بس مجرد اني كلمتها .. وشفتوا ايش صار

أجل لو مديت يدي عليه ؟؟ ايش راح تسوي؟؟

منوةالخيال • 17 سنة

لو مكانك ماازورها ولاتزورني وبناتك حددي وقت معين ينزلون لجدتهم غير وقت اولاد سلفتك يعني مايشوفون بعض افضل الحلول دام الولد فيه قلة ادب والفاظ واهله مايبغوا ينضرب منكم ولاهم بيأدبوه وارتاحي

وحيــــــدة • 17 سنة

تستاهل ماجاها .. وصدقيني بيكون لها درس ماراح تنساه طووووول عمرها
وبتعيد حساباتها في تربيتها لولدها ..

المهم مادام أنتِ على حق لاتخافين أبداااااااا
وخلاص اتركيها بحالها وهي من طريق وانتِ من طريق لحد مايهدأ الوضع
ووقت عيالك عند جدتهم غير وقت عيالها
ويادار مادخلك شر ..

أم وليييد • 17 سنة

namire_ra :

لا يمكنك مشاهدة هذا التعليق لانتهاكه شروط الاستخدام.

كل شيء جائز

رئيسة البط • 17 سنة

والله إنك تجنننني
أسلوبك صح مية في المية ولو إنك أعطيتيها كف على وجهها كنت حأنط من الفرح
خلي بناتك ينزلوا عند جدتهم لمن الولد هذا مايكون فيه
وبعدين على فكرة الولد من فين تعلم هذه الكلمة؟؟؟؟؟
لسه8سنوات ومأعتقد أحد في عمره يقولها إلا إذا سمعها من أحد قريب منه
ماعليك خلي علاقتك عادية مع أهل زوجك بس هذه سلفتك طنشيها
مادام كلهم في صفك لأنك إنت الصح