سمعوا ايش بنت عمى وولد عمى يقولوا عني

السلام عليكم ورحمة الله وبركاتة


ما اعرف من وين ابدا الناس حسدين على كل شئ واهم شئ زوجي :mad:
تصوروا شو يقولوا كلام ما ينقال والله انى مستحية من هالكلام وصعب افاتح زوجي واخبرة بالموضوع
قصتى انا زوجى يكون من نسايبنا خالى ماخذ اختة ولما شافنا ع طول خطبنى وانا سنة اخيرة بالجامعة وبعد التخرج تم الزواج بحمد الله طبعا بعد عددة مشاكل تعرفوا الحسد وغيرة لدرجة انى كنت بنفصل عنة لكن ربنا كبير ولما يكون النصيب ولا شئ ممكن يفرق الانسان.
بعد زوجنا عشنا على حب والحمد الله وحاولت كثر من اقدر اسعد زوجي وطبعا انتو عارفين اول كم يوم من زواج الوحدة ما تكون ملمة بكل شئ ولازم تسأل احد اكبر منها هذا طبعا بعد الدخلة فاستشرت خالتى وبعدين هى كنت كل يوم فووووق راسى صااااارر ولا لا لحد ما قلتة ايوا ما انة ما صار :) بس كنت اريدها تبعد شوي وتخلنى اتهيأ نفسيا بعدها بكم يوم بعد ما شرفت الهانم وجلست انتظر متى تخلص لانى بالفعل بديت اخاف اذا احد سالنى اكذب اقول ايوا وشكلى يتغير اكيد بيشكوا فى الموضوع بس خلصت الحمد الله تم الموضوع :icon28: لكن بعدنى استشرت خالتى فى موضوع خاااص وكانت هذى اخر مكالمة شخصية او نقول خاص بينا.
والحمد الله الحين عندى بنت وصارلى متزوجة سنتين ونص من فترة تقريبا فى الصيف اتصلت على بنت عمي مو متزوجة بس مخطوبة شفهيا وجلست تسوالف قالتلى كلمنى عن ليلة الدخلة طبعا انا مستحيل اخبر اى انسان حتى امى بالامور الشخصية غير خالتى سابقا وذكرتلكم القصة مرة وحدة بس واكثر شئ اروح عند طبيبة نسائية استشيرها فهمتها بالطريقة العامية انة ايش يصير بامتعارف علية ووووو ولكن وللاسف طلعت وحدة :44: نذلة
تصوروا انا ما كنت ادري هذا الكلام تقريبا من سنة كان اخوى الاصغر منى بي 3 سنين عندهم ايش كانوا يتكلمو بوجود ولد عمى اللى سنة من سني :mad: كيف فلانة مرتاحة مع زوجها طبعا هذا الكلام اهون من اللى جاي تصوروا ولد عمى ايش يقول لاخوي انى زوجي عاجز وانى فى ليلة الدخلة كنت ابكي وما قادرة انام واتصلت على اختة اللى هى بنت عمي وطبا هذا كلة ما صار يارب الوقاحة الى وين وصلت وين الحياء ولا بنت عمى كانت معهم موجودة
انصدمت اليوم بس عرفت ليش كل ما يشوفوا اخوى يسالوة اختك مرتاحة يقولهم ما يخصكم وخلوها لحالها والحمد الله عندها بنت.
واخوى اليوم جالسة اسحب منة الكلام كثير مستحي يكلمنى بس انا كنت مصرة اعرف ولو جزء بسيط .
شو رايكم وهذى بنت عمى على باب زواج وتتكلم عن فلانة وعلانة هذا زوجها ما يصرف عليها وتتكلم عن الثانية تقول هذا حامل قبل عرسها ومن هذا الكلام عااااااااااااد الطامةا لكبري واللى فتح الموضوع شو ان اخت بنت عمى الصغيرة تقريبا عمرا 15 سنة جاية تسال اختى كيف فلانة مرتاحة مع زوجها يمكن ينفصلوا :mad:
بعدين شكيت فى خالتى انها تكلمت عندهم او عند امهم لان امهم بطبعها تنشر الكلام والله اعلم
شو اسوي اكلم بنت عمى ولا اسكت عن الموضوع وربي ياخذ حقى منهم المشكلة انى ما اريد اكلمها ولا افتح معها الموضوع لحد ما يكون الوقت المناسب لانها من فترة متهمة اخوانى انهم قايلن عن خطيبها انة يشرب خمر واخوانى قالوا نحن لا تكلمنا ولا يخصنا لكن الحقيقة انة يشرب وهى ما قادرة تصدق ومعصبة على اخوانى ليش يطلعوا كلام .
علشان كذا ما اريد اوسخ لسانى معها شو رايكم وبعدين لو انفتح الموضوع طبعا لازم يوصول بيت خطيبها وعند خواتة وبصراحة انا مليت