سمع بكائي قال:ميت لك أحد؟..قلت الموت أرحم من اللي شفته

مساء الخير أخواتي..
أنا عضوة قديمة عندكم
لكن سجلت بمعرف جديد لكثرة اللي يعرفوني..
آه ياخواتي أقسم بربي أني دائما اقرأ قصصكن مع خيانة أزواجكن وادعي لكن من قلبي
أقسم بربي أني لم أتوقع إني في يوم من الأيام سأكتب لكن خيانة زوجي
خواتي رحت لأهلي يوم الثلاثاء لأن زوجي طالع مع رفاقه
وأخذت لاب توبي معي لأجل يفرمته أخوي ويثبت لي بعض البرامج
أخذ أخوي لاب توبي للمهندس
وقال يبي له يومين
لما جاني زوجي ورحت لبيتي استاذنته أجلس على كمبيوتره
لأجل أتصفح عالمي الغالي
عالم حواء
تصفحت عالمي وفتحت المسن وسولفت مع أختي
وجيت بأبحث عن منتدى نسائي آخر
واضغط على محرك البحث (للعلم محرك البحث تبع كمبوتر زوجي القديم اللي يظهر لك المواقع اللي بحثت عنها)

توقعوا بنات وش طلع لي

أفضل مقاطع جنسية
مواقع إباحية
وأشياء ثانية استحي أقولها


والله يابنات جتني صدمة كبيرة
ماقدرت أتحرك من الكرسي
رجولي ماعاد شالتني
حسيت بثقل في جسمي
زين قدرت اطفي الجهاز
وأروح لفراشي بكيت وشاهقت
والله أسناني صارت تطقطق من البكاء

سمعني زوجي
قال وش فيك
ماقدرت أجاوبه
بكيت شاهقت
جتني كتمة
وهو يقول وش فيك
ميت أحد؟
قلت الموت أرحم من اللي شفته

بعد ساعة أو أكثر بديت أسكت

فسألني
وش شفتي
قلت اسأل نفسك وش بجهازك
قال ماأدري
قلت أنت أدرى واعلم
ربي حسيبك
قال تعالي وريني وش شفتي
راح وشغل جهازه
رحت وغسلت بعدين جيته
قال وش شفتي بجهازي
مسوي نفسه واثق
قلت شف وش تبحث عنه
وفتح محرك البحث الصغير
يستغفلني قال مافيه شيئ
قلت أقول هات وامسك الماوس وأوريه بحثه

وقلت له ربي حسيبك
ورحت للغرفة
وجاء يقول هذي بحث أيام المراهقة
قبل الزواج
قلت أقسم بربي كلها بعد الزواج
كنت مسوي لجهازك فورمات قبل سنة
قال إيه فيه أشياء بعد الزواج

وقلت فيه أشياى اليوم

ومهما غلط الرجال
يجلس يبرر غلطاته

قلت له إذا أنا مقصرة معك بشيئ قل
قال لا والله ماشفت منك قصور..

بنات ادعوا ربي يهدي زوجي
ويسخره لي ويحفظه من الحرام


























آه يازوجي يالخسارة ثقتي
فوالله مافعلته فهو أكبر جرح لي منذ ولادتي
فمهما حاولت أن أعالجه فلن أستطيع لأن آثاره باقية
الله يسامحك يازوجي