ننظف السمك جيدا
نبهره بالبهارات المكونة من ( ملح + بزار + ثوم بودرة + ليمون اسود بودرة + كمون + زنجبيل بودرة + فلفل اسود )
نخلطهم تمام ونبهر فيه السمك عدل
نحمي الزيت ونقلي قطع الكنعد فيه
اذا تحمر نشله من الطابي ونتركه على جنب
في هذه الاثناء
نحمر البصل ويليه الثوم ونحرك
وبعد قليل نضيف ملعقتين جوز الهند و حبتين فلفل علوب حار اقطعهم من النص ونحرك
وبعدين الطماط المقطع صغار ونحرك
وبعدين اضيف قطع السمك واصب فوقه الماي اللي نقعت فيه الصبار ( التمر الهندي)
واخليه على نار حامية لمدة 10 دقايق
وبعدها احط فوقه الكزبرة المفرومة واغطيه واخلي النار خفيفة واتركه لمدة10 دقايق
يغرف ويقدم مع العيش الابيض او الخبز
كان الطعم حامض شوي عشان ماي الصبار وهذ اللي مخليه يصير لذيذ
وهذا كان صحني
بالعافية على قلوبنا وقلوبكم
مع كل الشكر والتقدير والاحترام
حقوق النقل لكل مسلمة اهم شي دعواتكم لنا بحسن الخاتمة
اللهم آمين