سمك أو رقة بطانة الرحم وافرازات الحمل

أهلين ياجميلات كيف حالكم ؟
حبيت أفيد البعض عن بطانة الرحم وتأثيرها عالحمل والافرازات المرافقة للحمل .
.
.
خلونا نتأمل قول الله سبحانه ( نسَاؤُكُمْ حَرْثٌ لَّكُمْ)
تلك الآيه عظيمة لاشارتها إلى وجود عملية تشبه الزراعه داخل الرحم ، فالحرث يكون بالزراعه
…
أول شي خلونا نعرف وش تتكون منه بطانة الرحم :

بطانة الرحم عبارة عن أنسجة مخاطية لزجة وهذي الأنسجة تتكون من طبقتين .

.
الحين خلونا ننتقل لمعلومة ثانية وهي عن البويضة الملقحة ، الويضة يوم تتلقح تحتاج مكان تروح تلصق فيه وتبدا تستقر فيه عن طريق غرس نفسها بهالمكان (عملية زرع) طيب وين بتروح تنزرع ؟
بتروح تنزرع على بطانة الرحم المخاطية تمام 👌🏻
.
يوم تلزق البويضة الملقحة(الجنين) ببطانة الرحم بتبدا تحفر بهالبطانة وتحفر وتحفر عشان تستقر وتمسك نفسها زين بهالبطانة عشان ماتطيح
.
طيب يوم تلزق هالبويضة الملقحة وتبدا تحفر وش تتوقعون بيصير ؟
اللي بيصير إن البطانه المخاطية بتبدا تنحفر مثل يوم التراب ينحفر ، يوم نحفر التراب نطلع التراب برا عشان نثبت النبته وهما بالضبط كذا الجنين الصغير (البويضة الملقحة) بتبدا تحفر بهالبطانة المخاطية وطبيعي جدا نتيجة عالحفر يطلع لنا مادة مخاطية لزجة شوي (هذي المادة تشوفونها أغلبكم بعد ثبات الجنين على جدار الرحم ) عرفتوا من ايش تجي هالمادة المخاطية ؟
وأيام وقت حفر هالمادة المخاطية يطلع معها شوي خيوط دم فاللي يطلع منها بقع دم صغيرة أو خيوط دم مخلوطة بالمادة المخاطية وقت الحمل فهو أمر طبيعي (داخل رحمك عملية زراعه).

.
طيب الحين شي مهم هل كل بطانة رحم صالحة لزراعة الأجنة؟؟
طبعا لا.. فلابد أن تكون سماكة البطانة وقت الزراعة بمقاس محدد مناسب للزراعه والتعشيش وهو مايقارب ٨ملم ، فالبطانة لو كانت رقيقة أو سميكة سيصعب على البويضة المخصبة إنها تحفر أو تنغرس لهالسبب وقت الحمل للي يتأخر عندهم الانجاب يقومون بتعديل سماكة بطانة الرحم بالأدوية لأجل توصل لمقاس معين ……



وسلامتكم
هذا اللي جاء بيالي الحين وقلت أكتبه لكم 🤍