السلام عليكم ورحمة الله وبركاتة
عزيزاتي بنات حواء
جبت لكم طبخة سهلة ولذيـــــــــــــــــــــــــــذة
سمك الموفا
المشهور في المخابز والمطاعم اليمنية
أول شئ نبدأ بالصلصة
وهذا اصعب خطوة
بسباس أحمر (فلفل أحمر - بسباس عدني)
وهذا شكله للي ما يعرفه
تغسلية وتبعدي الرأس وتحاولي تبعدي البذور قد ما تقدري علشان تخف الحرارة
وبعدين حطيه في مية واغلية 15 دقيقة تقريبا
هذا شكلة بعد الغلي
حطيه في الخلاط مع ملعقة ملح وملعقة كمون وفصوص ثوم
كله حسب الذوق
أنا احب ازيد الملح شوية علشان ينحفظ مدة أكثر في الثلاجة
تضيفي عليه شوية ماء علشان ينفرم بسهولة
وهذا شكلة وهو جاهز
بكذا نكون خلصنا أصعب شئ
شفتوا ما أسهلها
:)
نجيب السمك
السمكة لازم تكون كاملة
ممكن سمك هامور ولا بياض ولا مرجان ولا زبدة
يمكن مسميات السمك يختلف عندكم
اهم شئ تكون السمكة كاملة وياليت من النوع الدسم
احنا عندنا يقطعوا السمكة في المحل بالشكل هذا
حطي قصدير في الصحن وادهنيه زيت
علشان ما يلصق في الصحن
وبكذا يسهل تنظيفه
ادهني السمكة بالصلصة
رشي عليها شوية ملح (اذا الصلصة زايدة ملح مش ضروري)
شوية بهارات
انا حطيت كمون وفلفل اسود
صورة مقربة
حطيها في فرن ساخن
مدة 15- 20 دقيقة
بحسب حجم السمكة وحرارة الفرن
ممكن يزيد او ينقص
تعرفي ان السمكة جاهزة
لمن تنشك بسهولة وتكون ناصعة البياض
بعدها تتحمر شوية من فوق
وتتقدم بالهناء والشفاء
علي فكرة:
في المخابز يحمروا السمكة زيادة لمن تنشف
انا احبها طرية
فعلشان كذا ما أحمرها كثير
يعني لو شفتوا فيها شوية مية عادي
لا تهتموا تنشفوها زيادة
وبس
هذا شكلها وهي جاهزة
يمــــــــــــــي يمــــــــــــــي