اليوم صورت لكم غدانا ماشاء الله كل يوم وحده حاطه غداها والثانيه عشانها والثالثه فطورها قلت وش زودي عنهم ( ياشين الغياره )
المهم اليوم سويت سمك انما ايه ومعاه بطاطس بالثوم وخبز وسلطه خضراء
واترككم مع الصوره
هاه وش رأيكم يواجهن
الحين بقولكم كل اللي على السفره
سمك بالقشطه
شريحتين سمك فيليه تقطع على الحجم اللي يناسبك ومعاها ثلاثة ارباع علبة قشطه وملح وفصين ثوم مدقوق ناعم ونص عصير ليمونه واتركيه لمدة ساعتين او اكثر ثم غطيه ببقسماط فقط بدون بيض واقليه
بطاطس بالثوم
حبة بطاطس مسلوقه توضع في الخلاط الكاس ومعاها فصين ثوم وملعقتين عصير ليمون وملح وشوي خل وفيه احد يحبه حامض مره فيزيد كمية الليمون والخل واذا كان ثقيل مره يخفف بشوي ماء
خبز
مسويته بنفس عجينه العشر دقايق على صاجة الفرن
سلطه خضراء
ملفوف وخس وخيار وجزر وبقدونس
واللي على جنب شطه وتتبيلة للسلطه ( من زود الأمانه )
هذا بالمختصر المفيد مااحب كثر القرقره
وش رأيك لا تحطمونن ( ترا انا مو قصيميه بس احب كلامهم )
انا جداً فرحانة لاني اول وحدة ترد عليك اختي
تسلم الايادي