اليوم جايبه لكم طريقه سمك جنـــــــــــااااااان اذا سويتيه ما تندمي
سهل وكشخه بالتقديم
زوجي عزم 7 اشخاص سويت لهم رز ابيض مفلفل عادي وسلطة فتوش وهالسمك بس
لا تعب ولا شيء
كني طولت بالهرج الحين نبتدي بالطريقه :cook:
اول شيء روحي السوبرماركت انا احب التميمي روحي للمجمدات بتلاقين سمك مجمد فيليه
حتى لونه ابيض واحلى ما في هالنوع من الاسماك ماله زفر ونظيف
المهم غسلي الفيليه بالمويه والملح وبهريه بهالبهرات اللي بالصوره
بهارات سمك كمون ليمونه ملح واذا عندك كزبره مطحونه حطي بسسسسسس لا تحطي فلفل اسود ولا خل
وهذا الفيليه بعد ما بهرناه طعنته بالسكين كم طعنه ثم قطعي الفيليه 3 قطع كشكل للتقديم ما صورت هنا تحت بتفهميني
السمك جالس مخمخ مع بهاراته نجهز الخضار فلفل ملون وبصله مقطعين شرايح كما بالصوره والثوم مقطع بالسكين اطعم
نحط ملعقتين اكل زيت ونحط البصل والثوم ونقلب بس يشقر نحط الفلفل الرومي الملون ونقلب سريع ونحط شوي بهار سمك ذره وكمون وكزبره وملح لا تكثرون بهار عشان اللون انا احط رش خفيييييف وقلبي سريع وطفي النار
بس ثواني مثل الطبخ الصيني ما نبي الفلفل يذوب
حطيت الكشنه بالصحن وقطعت الليمونه الثانيه دوائر بعد ما قشرتها كما بالصوره
نجيب صينيه فرن ولا ندهنها زيت نحط شوي من مويه السمك اللي كنا ناقعين السمك فيه ونحط على كل فيليه كشنه وحبة ليمونه هنا عاد تلاحضون كيف قطعت السمك
اخر شيء حطي بصحن 3 ملاعق اكل طحينه سايله انا استخدم حقت بنده يجي لونها ابيض او النخله كله واحد المهم طحينيه حطي وبس وخففيه بليمونه ومويه يصير مثل الكريمه سايل مو ثقيل وحطي على كل فيليه ملعقتين اكل وحطي السمك
بعدها الفرن
طبعا ما تاخذ الا ربع او ثلث ساعه وتستوي ما يحتاج تطول ولا تخلين المويه لما تنشف انتبهي
خلي فيها مويه تحت انتي هاتي سكين واقطعي راح تلاحضين انه استوى وتلذذي بالطعم
اعتذر ما صورت من الجوع نسيت
وهذي صوره طبق الفتوووووش عاد انا مزينته بورق البصل الاخضر شديته بالسكين ويلتوي <-- حركات
-: الطريقهـ
طبعا بهالوقت بتكونو قشرتو سنين ثوم ثم دقيتوهم
بتحطون الخبز فوقهم بعد ما تقطع مربعات وتحمص وتترك على جنب
وبعدين تقطعون كل الخضار واهمها النعنع (والبقلة يعني الرجله) حزمه وحده كفايه
كثرونعنع لا تنسون ان فيه ثوم
رجله + نعنع+ خس+ طماط+ خيار+ بصل اخضر+ وليمون + والملح +وزيت الزيتون.. بامكانك تستغني عن الخس
ولمن يجي وقت التقديم قبل خمس دقايق بتخلطيهم وتحطي ليمون مو خل
وبالعافيهـ
اتمنى من كل وحده تجرب اكلي
تدعي لي ان ربي يسهل حملي وولادتي
ويجعله ذريه صالحه
دعوه بظهر الغيب
والله يستر عليكم
لكم مني كل تقدير واحترام :26:
تسلم ايدك بس ياريت صورة الكيس او ماركته حقت السمك