طبق معروف لكن السر هنا في البهارات والتقديم ...
- سمك هامور مقطع قطع مناسبة ( منزوع الجلد والشوك ) يوجد جاهز مثلج وممكن إذا كان طازج تخلين زوجك يطلب من البياع أنه يسلخه لك كامل .... لزوم السرعة ..
يتبل بالبهارات (حسب الرغبة ) + طحين
أنا استخدمت البهارات التالية:
كركم مخلوط
كمون
لومي أسود
فلفل أسود
ملح
ملح الليمون
زنجبيل
( البهارات حسب الرغبة النوع والمقدار بس أهم شي تكثرين الطحين لأنه حيكون تغليفة للسمك)
- الخلطة الثانية :
بصل مقطع ناعم ، ثوم مبشور ناعم ، كرفس مفروم ( الله يبارك بالمكاين وباللي جابها )
- ليمون
الطريقة:
- يتبل السمك جيدا ويترك قليلا ..
- يقلى في زيت غزير حتى ينضج ويشقر لونه
- يؤخذ قليلا من نفس زيت القلي و يقلى فيه الخلطة الثانية ( البصل والثوم والكرفس ... وخلي الثوم آخر شيء لأنه يحترق بسرعة )
ثم يضاف له عصير اللليمون ويترك على النار لبعض الوقت ( يستعمل مثل الدقوس مع السمك )
يقدم مع الرز المحمر بالسكر
....................................
ودي أحط صورة بس ما أعرف ... شوفوا هذي الصورة مشابهة جزى الله صاحبتها كل خير :
وبالعافية... إذا كان الشرح مو راضح ترى مستعدين للطيبين .
.