كيفكم اخواتي العزيزات اليوم عملت صينية سمك بالخضار روووووعة وحبيت اشاركم الطريقة والحلو فيها انها سهلة وصحية وطيبة كثير وبنصحكم تجربوها
بسم الله نبدأ
المقادير:
سمك فيليه
بصلة مفرومة
فصين ثوم كبار مفروم
فلفل حلو(رومي واذا بتحبي تحطي كمان حار)
ضمة بقدونس
كزبرة
بطاطا صغيرة
جزرة
حبتين بندورة صغار
فلفل اسود
ملح
تتبيلة السمك:
عصير ليمون
فص ثوم
بهارات مشكلة لبناني
بهارات مشكلة (اسناد) هاي البهارات روعة
قرفة
كمون
فلفل اسود
هيل مطحون
ملح
الطريقة:
هاي صورة البهارات المشكلة(اسناد)
[نضع الثوم المهروس على عصير الليمونة ونتبل بها السمك ثم نتبل السمك جيدا بالبهارات ونضعها جانبا (انا قطعت السمك على شان تقدري تشيلي من الصينية بسهولة وما تخرب وما تنزل الخضار عنو)
ثم نقطع الخضار البصل والثوم والجزر والبطاطا والفلفل الرومي ونضع بالطنجرة قليل من الزيت ونضع الخضار كلها ما عدا البقدونس والكزبرة والبندورة
ثم نضع رشة فلفل اسود وملح وبنخليهم تقريبا 10 دقائق عل نار متوسطة
ثم بنشيل الطنجرة عن النار ونضع البقدونس والبندورة والكزبرة(ما كان عندي كزبرة طازجة حطيت كزبرة مفرزة) وبنقلبهم
ثم بندهن صينية بايركس بالزيت وبنصف السمك بالصينية
ثم نضع الخضار فوق السمك وبنغطي الصينية بالقصدير(ورق الالمنيوم) ونضعها بالفرن
وهيك لما طلعتها من الفرن ياعيني على الريحة
وبتقدميها بسهولة وبالعافية بتمنى تكون عجبتكم وجربوها بتجنن
ان شاءالله تعجبكم وجربوها طيبة كثير
واي سؤال انا بالخدمة ان شاءالله اختكم ام محمد