غدانا اليوم سمك مقلي بس روعة والله
المقادير والطريقة:
سمك صغير للقلي النوع الي تحبيه
نضفيه واغسليه وبهريه قبل بيوم او بساعات "بهارات مشكل ، فلفل اسود، باربيكا، كمون مطحون، وبهارات السمك"
خلطة الطحين: طحين حسب الحاجة وملعقة كبيرة نشا " للقرمشة"وملعقة صغير باكينج باودر ..
اضيفي الزيت في وعاء عميق وغمري السمك في الطحين ولما يحمى الزيت حطي السمك في القلاية، واتركيه يتحمر ويستوي.
البطاطا شيبس:
قشري البطاطا الكمية الي بتحبيها ،بعدين قطعيها دوائر متل شيبس البطاطا وانقعيه بمي وخل :أي نوع: ورشة ملح. واتركيه بالثلاجة لمدة 2 ساعة
واقليه بزيت غزير وحامي بطلع يمي يمي ومقرمش..
صلصة البندورة " بتحرق":
بندورة حب حسب الرغبة
5 اسنان ثومة
فلفل اخضر او احمر بحرق
رشة فلفل اسود
ضعي البندورة الحب والتومة و حبات الفلفل في صينية بالفرن على الشواية من فوق وضلي راقبيها وقلبي حبات البندورة حتى تستوي وتتحمر
بعدين طلعيها من الفرن واهرسيها بآلة الهرس او بالهاون مع التومة والفلفل ورشي الفلفل الأسود والملح .
البقدونسية:
طحينة + عصير ليمون+ ملعقة لبن رايب+ ماء+ بقدونس مفروم ناعم+ملح
نضع المقادير "ما عدا البقدونس"في المولينكس ونخلط لازم يكون الخليط مو مرق كتير يعني نص نص وبعد الخفق نضع الخليط في وعاء ونضيف البقدونس والملح ونخلطهم مع بعض
وصحتين وعافية" :)