سمنة الطفولة من المسئول عنها

يعني تبين أهزئك عشان تبدأين الرجيم ههههههههههههه

ياليت تهزأيني

الله يرضى عليك ،، ليش الكلام هذا

أول شي الحمد لله على الصحة والعافية
ثاني شي أنتي بما انك حاسة بنفسك سمينة وموراضية على وزنك هذا بحد ذاته كافي
لان احساسك بالغلط يختصر عليك الطريق
خصوصا لما تكونين عارفة انك تقدرين تنزلين

غيرك تنكر أنها سمينة وتقول انا زينة وما عمره احد قالي لي سمينة وانا زوجي راضي فيني وانا مرتاحة ووووووو!!!
او تقول انا ما انزل ووزني عمره ما راح ينزل وهات يا كلام فاضي من انسانة فاضية

لكن انتي غير
عارفة نفسك سمينة
وعارفة انك تقدرين

استعيني بالله
ادعي ربك
واقري كلام البنات في هذا القسم جدا مفيد
وممكن تقرين موضوعي الايض الفائق فيه نصايح تفيدك باذن الله

ولا تقولين اتهزئ والكلام هذا الله يسامحك
ترى الانسان اذا قبل المذلة على ضحك
بعدين يتعودها وتصير نفسه مكسورة

ولا ترضينها لنفسك يا ام هايدي
خصوصا بهذا العمر

انا مثلك اعاني من الوزن الزايد
لكن لا يمكن اسمح لأحد يهزئني
ولايمكن اقبل حتى إشارة !
وان شاء الله ننزل انا وياك وكل من يبي الرشاقة
ويلبسنا ربي الصحة والعافية

اتمنى ما طولت عليك

الله يحفظك ويسعدك يا ام هايدي

مو ب أحسن أرغبك في الرشاقة وأنفرك من السمنة ..

اللي أبيك تعرفينه ان السمنة تعطيك أكبر من عمرك بكثير بينما الرشاقة تصغرك .. وأظنك ملاحظة هالشيء ..
السمنة تخليك ثقيلة وتحسين بهالشيء وأنت تمشين وأنت تقومين .. وأنت ترقين الدرج تحسين انك تدفين نفسك دف وركبك توجعك .. بينما العكس اذا رشيقة تحسين بالخفة .. والله يو سمنت 5 كيلو زيادة حسيت بوجع ركبي وثقل وأنا أمشي كأني شايلة شيء معي ..
من جد الرشاقة انطلاق ..

هذا عاد غير اللبس ... تلفين مليون لفة تدورين مقاسك أو شيء حلو يناسبك ما تلقين واللي يجي على مقاسك يزيدك سمنة بالشكل .. ودايم تحسين ان ما عندك ملابس ..
أما اذا صرتي رشيقة فكثير اللي يناسبك في السوق وحتى لو قطعة عادية تطلع عليك حلوة مع قطعة اكسسوار .. وتحسين ملابسك كثير وخياراتك أكثر لأنك سهل تدخلين القطع على بعض بحكم ان جسمك بيجمل القطعة اذا لبستيها .

ترى الأمر مو صعب .. سوي تخفيف ولا تأكلين بعد أذان العشاء .. استمري على هالشيء وأضمن لك تنحفين بالتدريج .

الحمد للة علي العافية