سمينه نحيفه قصيره طويله شينه جميله او فيك عيب خلقي ... الخ ...

حبيباتي انا ابغاكم تكونون من الناس اللي ثقتهم بنفسهم عاليه


لاني لاحظت بعض البنات تكون مثلا سمينه مرررره او فيها عيب خلقي بنظرها او نحيفه قوه او لها كرش او صدرها كبير او مناطق جسمها فيها شي مو عاجبها او بوجهها او قصيره او اي شي يخليك تنحرجين منه عند الناس المهم تخجل من التمشيات او العزايم والزواجات ماتطلع بس حابسها روحها واذا طلعت مثلا سوق او منتزه تلاحظون انها بس جالسه ماتبي احد ينتبه لها او يشوفها تخاف من تعليق الناس بعض الناس الي ماتخاف الله تعلق عليه والبنت تتحسس بس من تسمع تعليق على شكلها خلااااااااص تنعدم الثقه

وتحرم نفسها الوناسه والطلعات كله عشان تخاف من تعليقات الناس عليها

خلي عندك ثقه بنفسك تكفين ولايهمونك الناس اللي يعلقون ترى حتى هم فيهم نقص حتى هم الناس تعلق عليهم لاتحسبين اللي تعلق كامله يعني المسأله كل واحد يمتسخر على الثاني والله جد انا اشوف بعض الناس يحبون يتمسخرون او تسمعين تعلقياتهم اذا مريتي من عندهم مع ضحك المشكله ليتهم كاملين يعني تعلق على خلق الله وماتشوف نفسها

واصلا حرام هالشيء


بنات انا انصح كل وحده تطلع مكان عام وتشوف بنات في خلقتهم شي يخليك تستغربين اسكتي لاتطالعين فيها وتحرجينها سوي نفسك ماشفتي شي ولاتعلقين اذا ودك تعلقين اسكتي لين تروح وتبعد واتقي الله ترى هالتعليق يعتبر غيبه وسخريه لان والله بعض البنات يتحسسون حتى من نظره

انا اهلي احيانا اتهاوش انا وياهم اقول لاتطالعون بالناس اذا مروا من عندنا يقهروني

ودايم اسمع تعليقات بعض الناس على بعضهم يوووه سمينه استغفرالله كككككاي او ياحول مسكينه شوفي شكلها شوفي شعرها خشمها عيونها مشيتها او ياكبر .... مع ضحكه طبعا والا تعلق على طولها وقصرها تعلقيات استغفرالله بس

المشكله احيانا تكون حرمه كبيره عاقله يعني غالبا المراهقات والاطفال يعلقون من غير قصد لكن تجيك كبيره وتمسخر على خلق الله ؟؟