السلاااااااااااااام علــــــــيـكم
السبب الرئيسي لتنزيلي ذا الموضوع لما صادفت أكثر من حرمة تعاني الامرين من ذا الظلم والقسوه والاستبداد.........
طبعا منذو مبطي والرجل هو الامر والناهي في كل شئ واولهم على المرأه وجاء بعدها الاسلام وحدد مهام الرجل وحقوقه ومنه طاعته ولكن بأعتدال( بحكم قوامته على المرأه)
ولكن بعض المجتمعات للأسف الشديد غلو من ذا الناحيه وحطو الرجل ملاك لايخطئ ولذلك من حقه الامر والنهي والاستبداد والتسلط على المرأه وعللوا هذا الشئ أنه المرأه ناقصه عقل ودين ومن حق الرجل أنه يامر وينهي على كيفه حتى لو كان يترتب ظلم على حقوق المرأه
والشئ الي يغث القلب لما تكون الاسره:mad::: هي السبب الرئيسي على تنشئة الرجل على هذا الشئ فمثلا:
المشهد الاول -لما يجي الاخ سهران أنصاص الليالي ويشوف أخته جالسه مع أمهاا
يصرخ عليها بكل قوته عشان تصلح له أكل(جعله المر الي مايتحدر أبدا) ولما ترفض الاخت لأنه أمرها بكل قسوه (من حقها ترفض بهذي الطريقه لأنها مو شغاله على غفله عشان يتأمر على كيفه)تجي الام بكل حياديه وتقول لبنتها جعلك المرض وراك ماتقومين ماتسمعين أخوك يأمرك؟
عاد الولد تقوى شوكته ويتوعد لأن الام بصفه فتقوم البنت بكل أنكسار وخوف عشان تصلح له الاكل:7_2_103v:
المشهد الثاااني
توه داخل من الدوام هو وزوجته ويشوف بزارينه يتراكضون:04: حولهم ويقول لزوجته شوفي أنا بتغدى وأنام:03: ولا أبغى أسمع نفس واحد من بزارينك سامعه يامره (يعني مالها أسم يومن ضاقت عليك المسميات وسمي تها يامره)وطبعا هي بكل خنوع تقوله أبشر من عيوني الثنتين (لأنه متعوده من نعومة أظفارها أن الرجل مطاع في كل شئ):024:
والي يقهر أنها زيه جايه من دوام وتعبانه وتبغى ترتاح (والا العيال عيالها هي بس والا هو منظر في البيت)
المشهد الثالث:arb:
مجموعة صديقات متواعدات يسيرون :3_10_6:على وحده من صاحباتهم طبعا البنت بتروح لصاحبتها بعد ما أخذت الموافقه من أبوها
وتوها بتطلع مع باب البيت وجيك زين الحلايا:16: أخوها الكبير ويسألها خير إن شاء الله وش عندك متزينه لوين بتطسين ؟
طبعا هي بكل ثقه ترد أنا أستأذنت من أبوي أبروح لصاحبتي وهو موافق
ويرد عليها أيه بس أنا ماوافقت يالله قدامي داخل البيت بنات أخر زمن (صاروا البنات أنوع على غفله)
وتدخل مسرعه بزعمها بتستنجد بأبوها بتعلمه عن حركة أخوها(النذل) ,ويخيب أملها أبوها برده لها ,مدام أخوك مهب موافق هو أبخص فيك خلاص مافيه روحه هو أدرى بمصلحتك:09:(أتخيل شكلي راجعه أغسل مكياجي بعد ماقعدت عليه ساعتين أعدله لزوم الكشخه(هذا الي همها))
الي أبغى أوصل له من خلال عدة أسئله تجاوبون عليها:
1- هل هناك عائلات مرت عليكم مازال الرجل فيها الامر الناهي في كل شئ؟
2- هل أنتم من مأيدين ان الرجل من حقه الامر والنهي في كل شئ؟ولماذا؟
3- هل قوامة الرجل تدخل من ضمن هذا الايطار؟ولماذا؟
4- ماهو موقفكم يابنات ويازوجاات لما يمر عليكم نوع من ذا الانواع السابقه من الرجال؟وكيف تتعاملون معهم؟
في الختام الي عنده أي مداخله أو تعليق أو مشاركه ياليت ينورنا فيها:26:
سي يو @sy_yo
محررة فضية
يلزم عليك تسجيل الدخول أولًا لكتابة تعليق.
سي يو
•
كنز المحبه ..مشكورررررررره قلبي على المشااااااركه والحمدالله ان ربي مابلاكم بهالاشكال
الله لايبلاناااااااااااااااا وحصلت على 10 من 10 ههههههه
الله لايبلاناااااااااااااااا وحصلت على 10 من 10 ههههههه
انا بنوته :27:
والحمد الله اخواني مايتدخلون ابد بأموري
الكلمه لأبوي اولا واخيرا
واكيد أوئيد انه الرجال يأمر وينها لانه يفكر بعقله مو من قلبه<<بس ما نعطيه وجه بقوه يعني اذا قال شي مو مقتنعه فيه افرض رايي وما اخليه يتحكم على كيفه بعد بعد هههههههه:024:
واذا مر على رجال مثل اللي فوق((الله لا يقوله:icon30:)) بحتسب الأجر بس مراح استسلم :mad:
موضـــــــــــــوعك رائــــــــــ:26:ــــــــــــع
كـــــم خذت الدرجه يا إستـــــــاذهـ
وموضوعك رائع
والحمد الله اخواني مايتدخلون ابد بأموري
الكلمه لأبوي اولا واخيرا
واكيد أوئيد انه الرجال يأمر وينها لانه يفكر بعقله مو من قلبه<<بس ما نعطيه وجه بقوه يعني اذا قال شي مو مقتنعه فيه افرض رايي وما اخليه يتحكم على كيفه بعد بعد هههههههه:024:
واذا مر على رجال مثل اللي فوق((الله لا يقوله:icon30:)) بحتسب الأجر بس مراح استسلم :mad:
موضـــــــــــــوعك رائــــــــــ:26:ــــــــــــع
كـــــم خذت الدرجه يا إستـــــــاذهـ
وموضوعك رائع
سي يو
•
هلا والله باحلى بنوووووووته
قولي آمين الله يرزقك زوج موووووو من هالنمونه هههههههههه
ونجحتي بالاختبارررررر:)
قولي آمين الله يرزقك زوج موووووو من هالنمونه هههههههههه
ونجحتي بالاختبارررررر:)
سي يو :
هلا والله باحلى بنوووووووته قولي آمين الله يرزقك زوج موووووو من هالنمونه هههههههههه ونجحتي بالاختبارررررر:)هلا والله باحلى بنوووووووته قولي آمين الله يرزقك زوج موووووو من هالنمونه هههههههههه ونجحتي...
انا هالموضوع مأزمني من زمان.. و احس ان المجتمع مصخوها بالحقوق العجيبة و الغريبة الي عطوها للريايل!!
اولا: غيروا في الشرع على كيفهم!! :mad: الريال يشرب او يزني عادي!!!!! الحل الوحيد انه ندعي له الله يهديه!!! و البنت لو سوت شي ياويلها ياسواد ليلها.. و الحل انها تنذبح ويفتكون منها!!!
لييييييييييييييييييش؟؟؟؟ من الي غير شرع الله؟؟؟ الحرام واحد على الريال و المره.. و الله حط عقاب واحد لهم الاثنين و ما قال الريال اعفوا عنه و المره اذبحوها!!! الريال مذنب و يشيل ذنبه و عيبه عشان مره ثانية ما يعيدها.. اما لما يحصل تهاون من المجتمع و من اهله عمره ما بيتوب ولا بيحس بكبر ذنبه!
ثانيا: الريال علموه الاستبداد.. مب القوامه!!! يعني هو يطلع و يروح و يستانس مع ربعه و يسافر معاهم و زوجته لازم تقعد بين اربع طوف.. و اذا المسكينة بغت تطلع مالها الا روحة بيت اهلها ولا اهل ريلها!! طيب و صديقاتها؟؟ و حياتها الاجتماعية؟؟ طبعا في مخ الزوج انه ماله داعي!!!!
لو رجعنا للدين و سيرة الرسول و حياته مع زوجاته.. بنلقى ان الرسول كان يفرح لما صديقات عايشة يزورونها.. و كان الرسول _صلى الله عليه وسلم_ يتمشى مع زوجاته بالليل.. صح و لا انا غلطانة؟؟
ما قالهم انا والله مشغول (نفس ريايلنا الي يدورون مع ربعهم هاي شغلهم) يعني الي ابي اوصل له ان الزوجة مب خدامة او حيوانه او ماكينه بس تشتغل في البيت و ممنوع انها تحس و تفكر و تطلع و تشوف الدنيا.. لا و الي يبط الجبد اكثر و اكثر ان الريال عقب ما يفرض عليها قوانينه المستبدة و تخضع له المسكينة و يصير هو محور حياتها (لان مافي شي شاغلها غير رضاه) تلقونه تملل منها وحس انها ما عندها شي جديد يجذبه لها و يصير يدور عالشي الجديد و المثير برا .. طيب شالحل مع هالاشكال؟؟!!!!
ثالثا: لما يعلمون الريال و يربونه انه اذا زوجتك مب عاجبتك بنشوف لك غيرها!!! عادي!!! كله و لا يشيل هم المسكين!! حرام يتضايق!!:( بعدين يزعل!! و الزوجة بالطقاق!! قلعتها!!! هي ما عرفت له!!!
هالكلام انا سمعته بإذني!! ما ألفته.. شي يحرررررررررّّ
يعني الزوجة اذا ما ارتاحت مع زوجها و ما تبيه .. هذي دلوعة , و ليش ما صبرت؟؟ و ليش ما حاولت تغيره؟ و ليش ما سكتت و كلت ** و رضت بمصيرها؟؟ عادي ياما نسوان اصبروا و تحملوا.. وووو الخ!!!
يعني في ذمتكم لما الريال يتربى على هالافكار المتخلفة شبيطلع؟؟؟ تعتقدون بيحترم زوجته و لا بيحترم الزواج نفسه؟؟ بيصبر على زوجته لو هو لقى فيها شي ما عجبه؟؟ بيحاول و بيغير؟؟؟
مستحيييييييل.. بيروح و بيدور غيرها لان بنظره هو لقى عيب و يحق له انه يستمتع و يشوف له زوجة ثانية!:mad::mad:
ندري ان الشرع حلل اربع بس هي السالفة مب لعبة! الله حلل هالشي في حالة وجود سبب مب يكون مزاج!!!
على العموم.. انا في الاول و الاخير ألوم الاسرة الي ربت.. الام الي علمت ولدها ما يحترم المرأة و يقدرها.. و الأب الي علم الولد اسلوب الاستبداد و ان (انت ريال و ما يعيبك شي) و الزوجات الي يسكتون عن هالنوع من الازواج و يخضعون لهم (معطينهم و يه بزيادة!)
ملاحظه: مب كل الرياييل نفس الي ذكرتهم بالعكس في بعضهم ((رجال)) و الرجولة مواقف مب ذكورة.. بس انا اتكلم عن النسبة الاكبر في المجتمع
تعبت:09::09:
اولا: غيروا في الشرع على كيفهم!! :mad: الريال يشرب او يزني عادي!!!!! الحل الوحيد انه ندعي له الله يهديه!!! و البنت لو سوت شي ياويلها ياسواد ليلها.. و الحل انها تنذبح ويفتكون منها!!!
لييييييييييييييييييش؟؟؟؟ من الي غير شرع الله؟؟؟ الحرام واحد على الريال و المره.. و الله حط عقاب واحد لهم الاثنين و ما قال الريال اعفوا عنه و المره اذبحوها!!! الريال مذنب و يشيل ذنبه و عيبه عشان مره ثانية ما يعيدها.. اما لما يحصل تهاون من المجتمع و من اهله عمره ما بيتوب ولا بيحس بكبر ذنبه!
ثانيا: الريال علموه الاستبداد.. مب القوامه!!! يعني هو يطلع و يروح و يستانس مع ربعه و يسافر معاهم و زوجته لازم تقعد بين اربع طوف.. و اذا المسكينة بغت تطلع مالها الا روحة بيت اهلها ولا اهل ريلها!! طيب و صديقاتها؟؟ و حياتها الاجتماعية؟؟ طبعا في مخ الزوج انه ماله داعي!!!!
لو رجعنا للدين و سيرة الرسول و حياته مع زوجاته.. بنلقى ان الرسول كان يفرح لما صديقات عايشة يزورونها.. و كان الرسول _صلى الله عليه وسلم_ يتمشى مع زوجاته بالليل.. صح و لا انا غلطانة؟؟
ما قالهم انا والله مشغول (نفس ريايلنا الي يدورون مع ربعهم هاي شغلهم) يعني الي ابي اوصل له ان الزوجة مب خدامة او حيوانه او ماكينه بس تشتغل في البيت و ممنوع انها تحس و تفكر و تطلع و تشوف الدنيا.. لا و الي يبط الجبد اكثر و اكثر ان الريال عقب ما يفرض عليها قوانينه المستبدة و تخضع له المسكينة و يصير هو محور حياتها (لان مافي شي شاغلها غير رضاه) تلقونه تملل منها وحس انها ما عندها شي جديد يجذبه لها و يصير يدور عالشي الجديد و المثير برا .. طيب شالحل مع هالاشكال؟؟!!!!
ثالثا: لما يعلمون الريال و يربونه انه اذا زوجتك مب عاجبتك بنشوف لك غيرها!!! عادي!!! كله و لا يشيل هم المسكين!! حرام يتضايق!!:( بعدين يزعل!! و الزوجة بالطقاق!! قلعتها!!! هي ما عرفت له!!!
هالكلام انا سمعته بإذني!! ما ألفته.. شي يحرررررررررّّ
يعني الزوجة اذا ما ارتاحت مع زوجها و ما تبيه .. هذي دلوعة , و ليش ما صبرت؟؟ و ليش ما حاولت تغيره؟ و ليش ما سكتت و كلت ** و رضت بمصيرها؟؟ عادي ياما نسوان اصبروا و تحملوا.. وووو الخ!!!
يعني في ذمتكم لما الريال يتربى على هالافكار المتخلفة شبيطلع؟؟؟ تعتقدون بيحترم زوجته و لا بيحترم الزواج نفسه؟؟ بيصبر على زوجته لو هو لقى فيها شي ما عجبه؟؟ بيحاول و بيغير؟؟؟
مستحيييييييل.. بيروح و بيدور غيرها لان بنظره هو لقى عيب و يحق له انه يستمتع و يشوف له زوجة ثانية!:mad::mad:
ندري ان الشرع حلل اربع بس هي السالفة مب لعبة! الله حلل هالشي في حالة وجود سبب مب يكون مزاج!!!
على العموم.. انا في الاول و الاخير ألوم الاسرة الي ربت.. الام الي علمت ولدها ما يحترم المرأة و يقدرها.. و الأب الي علم الولد اسلوب الاستبداد و ان (انت ريال و ما يعيبك شي) و الزوجات الي يسكتون عن هالنوع من الازواج و يخضعون لهم (معطينهم و يه بزيادة!)
ملاحظه: مب كل الرياييل نفس الي ذكرتهم بالعكس في بعضهم ((رجال)) و الرجولة مواقف مب ذكورة.. بس انا اتكلم عن النسبة الاكبر في المجتمع
تعبت:09::09:
الصفحة الأخيرة
ماتوقع انة موجود الان
2- هل أنتم من مأيدين ان الرجل من حقه الامر والنهي في كل شئ؟ولماذا؟
نعم اؤيدة لاكن بكل احترام وبالمعقول
هل قوامة الرجل تدخل من ضمن هذا الايطار؟ولماذا؟ لا
- ماهو موقفكم يابنات ويازوجاات لما يمر عليكم نوع من ذا الانواع السابقه من الرجال؟وكيف تتعاملون معهم؟
تتكون الحياة معة جحيم وبيت الاهل احسن
اتمنى اخذ الدرجة النهائية