سناء العمار ،،، يسرى ،،، منى الدليجان ؟؟؟؟

مرحبا اختي همس القلوب اول شيء مبروك على الحمل ... انا حملي الاول قبل اربع سنين تقريبا تابعت بمستشفى اسطون لما كان اسمه الثميري وتابعت عند الدكتوره سناء العمار وماشاء الله عليها دكتوره شاطره وطبعا هي اكبر استشاريه للنساء والولاده في هالمستشفى اما الدكتوره يسرى ليلة ولادتي هي اللي جات كشفت علي بالاول وكانت اخلاقها عاليه ماشاء الله بس صراحه ماجربت علاجها لكن صراحه بعد ولادتي الاولى حطيت اكس على هالمستشفى لانهم نصابين من ناحية السعر لاني اول مارحت دفعت 4500 للولاده الطبيعيه لكن بعد كذا حصلت ظروف وولدت بعملية قيصريه وصار السعر بعد العمليه عشرين الف ريال وهذا طبعا بعد التخفيض بحكم ان زوجي مدرس وله تخفيض 30% ويحاولون يخوفونك من ناحية وجود الطفل بالحاضنه وكذا كل هذا علشان يزيد السعر وانا الحين حامل في شهري الثامن وافكر تكون ولادتي في مستشفى المواساه بالدمام لان سمعت هناك دكتوره اسمها حنان ويمدحونها كثير فاذا انتي رايحه لمستشفى اسطون على حسابك الخاص الله يعينك اما اذا كان لحساب شركه فدكتوره سناء ممتازة جدا وبس ارجو اني اكون وفيت وماازعجتك بطول الرد
والله يسهل عليكي وعلي وعلى جميع الحوامل ان شاء الله:26:

على البركه الحمل والله يهون عليك وعلينا وعلى كل الحوامل انشالله ويرزق اللي ماحملت...اللهم امين

ثاني شي يا قلبي انا اراجع عند دكتوره مره مره مرره تجنن من بداية حملي يعني من دخلت الرابع وانا اراجع عندها
وهي مرره كويسه وكانت تولد في مستشفى المشاري في الرياض مرره معروفه اسمها بشرى ....وهي الحين ما تولد الا في اسطون..بس الحين هي مسافره بترجع بعد 3 اسابيع يمكن اصير انا قربت ولادتي مرره عشان كذا بروح للرياض اولد هناك انشالله...يعني ماضنيت اني بحتريها لين تجي....بس انتي قدامك وقت طويل...
واذا تبغين مكانها تلقينها في عيادات الدكتوره ليلى العنيزي الطبي اللي في الراكه...واذا فيه اي استفسار ..انا جاهزه:26:
والله يعينك على الخساير...غالين الله يقطعهم ..العيادات موب المستشفى...المستشفى ماجربته لين الحين..:24:

اختي كنافه بالقشطه شكرا جزيلا على ردك والله يعطيك ماتريدين ويجزيك بالخير على ردك وصحيح انك اسم على مسمى كنافه بالقشطه ؟؟؟
والغاليه تنهات جزاك الله خير على ردك وتعاونك معي والله يقومك بالسلامه وين ماتولدين ...
واخيرا نسيت يابنات اقول لكم ان اهم شي عندي في الدكتوره الخياطه اللي بعد الولاده هذا اهم شي في الموضوع الخياطه ثم الخياطه ثم الخياطه لانها تتوقف على مهارة الدكتوره زي فساتين السهره ؟؟!!!!!

الدكتورة يسرى
رائئئئئئئئئئئئئئئئئئعة في تعاملها وأخلاقها و خياطتها كمااااااااااان
ولدت اثنين من أولادي على يديها
ما شاء الله عليها تهبببببببببببببببببببل

على فكرة
كل أطفالي ولدتهم في اسطون ( الثميري سابقاً )
هو المستشفى الوحيد اللي ارتحت له سبحان الله
حتى الولادة فيه سهلة وما تحسيييييييييين فيها

ترى معظم طبيبات المستشفى زينين وفيهم خير


تمنياتي لك بولادة سهلة وطفل معافى يارب :27: