مش مقيده بشي ..
أصور ع حسب النفسيه ..
والادعيه ودعاء للموتى رحمهم الله ..

انزل طلعاتي مسويه ستوري خاص للمقربين اذا بصور ولدي زوجي ماطلعه انا اصور نفسي بس ارسل خاص للمقربين
يعني العامه من الناس بس طلعاتي وقعداتي مع الاهل

واذا جتني هدايا سواء من الاصدقاء او زوجي ماصورها لان احس ماله داعي الا اذا ورد اصور 🤣🤣🤣

مستحيل اصور حياتي الخاصة واعرضها
لكن اصور واحفظها في الذكريات
عندي قناعة مو كل الناس تتمنى لك الخير ابدا

بالضبط .. أحس الي تصور كذابة .. لو فعلاً علاقتها بزوجها حلوة كان خافت من العين

بالنسبة لي سنابي :

- أكثره إذا سويت فعالية مثل فعاليات الشتاء ... أو مطعم أو كافيه جديد .. إذا معتاد ما أصور .. ومب لازم أكل .. أصور الأجواء

- استحالة أحط اي شيء عن الزوج أو الخصوصيات .. كأني مو متزوجة . كتاب مغلق غير قابل للنشر

- عبارات ما أحط .. لأن ما أحب مشاعري معروضة للعلن .. حتى لو قلبي مفقوع من وحدة .. ليش أخلي كل سنابي يدرون ؟

- أدعية عموماً ما أحط .. بنظري أن الدعاء مفروض أنا أدعيه لرب العالمين مو بوست بسناب تشات

- نصائح ما أحب أحط .. أحس الي تحطها مسوية نفسها مثالية .. ياكم وحدة أقرا و أقول بخاطري : قولي لنفسك !!

- إذا أحد مدحني بالخاص ما أحط .. أحس سخافة و نقص .

- أحط حلى كثير . أحب صور الحلى

- أحب الي تحط سنابات عن ترتيب بيتها .. من معارفي .. أحسها نظيفة و سنعة .. تعطر و ترتب بيتها

- أطفال ما أحط .

بنات بنصحكم نصيحة

حتى لو سنابك قليل .. تراك ما تدرين هالناس وش يضمرون لك .. ربما بدون قصد منهم ، تفز نفوسهم على نعمة عندك . ترى حتى لو يملكونها ، الشخص الي بقلبه حسد بيستكثر الخير عليك !!

عشان كذا لا تحطون شيء من الخصوصيات حتى عيالكم خصوصاً لو حلوين أو ملفتين مو كلن يذكر ربه