سناب شات ..والحريم !

السلام عليكم .
بنات وش فيهن الحريم استخفن مع هذا السناب
والله ماحملته الا بعد زن أخواتي وحريم أخواني
ومن حظي حصلت كذا سناب مثل ميولي وفكري واتابعه
ومثل ماتعرفون الكل ضافتي .
لكن انا ماانزل شي لاني مااشوف عندي شي يستاهل انزله .
المهم
صار السناب ذا تعرف اللقمه اللي تدخل معدت فلان قبل لا توصل!
غير الحريم وفشخرتهن وكل وحده حريصه تشوف سناب الثانيه وين هي فيه وش عندهم والثالثه ماتخلي شي ماتصوره ..
وغيره وحسد وتأثير ع أزواجهم كل وحده غيرانه من علانه .
لدرجه وحده زوجها مايعطيها وجهه وادري عنها لانها تبي تغيظ فلانه لو كيكه تصورها وتقول شكرا يافلان ع اساس منه وغير الاكل ...والاخرى تغار وتشيش ع زوجها وحاله .
وللاسف للاسف أختي من هذي النساء حياتهم وش نزلت فلانه وش جاب لفلانه ..وغيره من بعض .
وحده من حريم أخواني الله يصلحها لوأخوي جاب لها أبره صورتها واللي حولها مايعطون خير .
والله أني قرفت ..من هذي البرامج اللي صارت تفضح وتظهر أسرار البيوت وتجلب العيون والحسد ...الخ
السناب وجد مو لهذا !
سؤالي هل الوضع عندكم مثل عندنا ؟
حتى لو اعزمهن ع قهوه صورنها وطارت للعالم
وتعالوا شوفوا العتب ليش ماعزمتينا وهي قهوه بس بعصريه ماتحتاج اعزم عليها .