سنةة جديدةة عنايةة فريدة new year new look الجزء الثاني

بسم الله الرحمن الرحيم

السلام عليكم ورحمة الله وبركاته

كيفكم بنات .. ان شاء الله الكل بخير يارب

كل سنة وانتم طيبين وبخير وسلامة يارب

طبعاً مثل ماتكلمت بموضوعي الاول انو مافي شيء ينجح او يستمر بدون تخطيط وترتيب واستمرار
وكثير بنات قالوا اننا نبغى نتغير ونخطط بس ماقدرنا او مانعرف كيف

بموضوعي هذا راح اشرح كيف نقدر نحدد اهدافنا بالحياة وكيف اخطط عشان احقق هذي الاهداف
وراح اذكر عنايتي اللي راح امشي عليها مع بداية السنة الجديدة وعنايتي شاملة عدة جوانب مو بس تجميلية : )




اولا : كتابة الرؤية او الرسالة العامة للحياة

وهي عبارة عن رؤيتك لحياتك في المستقبل كيف تبغينها تكون

وهي الاساس والخطوة الاولى لتنظيم الحياة ..

مثلا هذا جزء من رسالتي :

" راح اكون انسانة ناجحة بدراستي وبحياتي بشكل عام بثقتي بربي وقربي منه سبحانة وبقوة الامل بداخلي والاهم تفائلي ان الحياة حلوة وجميلة راح يكون لي مستقبل جميل مثل مااتمنى وافضل ان شاء الله راح اكون دايم بالقرب من امي وابوي وادعي لهم دايم ولاخواني راح اتطور بأسلوب حياتي اتغير للافضل واتقدم وابدع واوسع ثقافتي بقراءة الكتب واوسع معلوماتي بتعلم اشياء جديدة واطور قدراتي واغير طريقة تعاملي مع كل الحياة راح اهتم بصحتي وجمالي وراحتي وابعد عن الاشياء اللي تضايقني واتجاهلها واعيش حياتي بسعادة وراحة وتفاؤل وانا مؤمنة ان كل شيء يصير بالحياة مكتوب ومقدر من الله سبحانة وخيره ان شاء الله راح احقق كل امنياتي واكون سبب بسعادة الناس اللي احبهم بإذن ربي "

هذي جزء رسالتي بالحياة ورؤيتي لنفسي بالمستقبل ..

لازم تفكرين زين قبل تكتبينها .. ولما تكتبينها راح تحسين ان اشياء كثيرة توضحت لك.



ثانيا : الجوانب المهمة في الحياة

الحياة لها جوانب كثيرة .. حسب كل انسان وطبيعة حياتة

جانب روحاني - جانب علمي - جانب اسري - جانب مهني - جانب ثقافي - جانب جسدي - جانب مالي - جانب شخصي - جانب نفسي


طبعا مو لازم كل الجوانب تكون مهمة بحياتك .. ممكن اربع جوانب او ستة او ثمانية يختلف من شخص لاخر

الحين حددتي الجوانب المهمه في حياتك ..
تكتبين رسالة عند كل جانب .. كيف تبغين تصيرين في هذا الجانب ؟ ليه هذا الجانب ؟ الامنيات اللي تبغي تحققيها في هذا الجانب؟



ثالثا : خطة العمل
بعد ماحددتي الامنيات في كل جانب من الجوانب المهمة في حياتك تبدي تعملي خطة لتحقيق هذه الاهداف او الامنيات ..

وطبعا الاهداف تختلف عن بعض فيه اهداف قصيرة المدى ممكن تتحقق بيوم او اسبوع او شهر وفيه اهداف طويلة المدى وهي اللي تحتاج سنة او عدة سنوات لتحقيقها

وعلى حسب كل هدف تعملي الخطة المناسبة له ..
وحتى يسهل عمل الخطة قسميها لجداول
جدول يومي - اسبوعي - شهري - سنوي


الحين راح اتكلم عن نفسي وكيف عملت خطة لحياتي عشان اوضح لكم الفكره اكثر ..

اول واهم شيء حابة اتغير فيه هو الجانب الروحاني وهو عباداتي اللي احس اني مقصره فيها للاسف ..
اول حاجة المحافظة على الصلاة بأوقاتها .. ولقيت سر خطير يخليك ماتفوت عليك ولا صلاة الا تصليها بوقتها وراح اذكره بعد شوي
والحمدلله من يوم سويت هذا السر وانا كل صلاواتي مضبوطة
ثاني شيء الاذكار .. اذكار المساء والصباح والنوم والاكل واللبس والخلاء والدخول والخروج من المنزل واذكار بعد الصلاة
وافضل طريقة تحميل برنامج الاذكار بالجوال وحمل كتيب حصن المسلم بالشنطة .. وان شاء الله التزم بالاذكار طول حياتي حتى اكون بحفظ ربي وحمايته بكل وقت
ثالث حاجة قيام الليل وصلاة الضحى .. طبعا مايخفي عليكم فضلهم العظيم رغم سهولتهم! وعشان احافظ عليهم بشكل يومي قررت اصلي قيام الليل قبل صلاة الفجر اصحى قبلها بنص ساعة اصلي ركعتين الشفع وركعة الوتر واصلي صلاة الفجر بوقتها .. ولما افطر تكون الشمس شرقت اصلي ركعتين الضحى بعدها اتجهز واروح للجامعه .. طريقة سهلة وماتاخذ من وقتك كثير.
الصدقة .. اتمنى اتمنى اني اتصدق بس المشكلة مااعرف على مين! ولا اعرف ناس يستحقون .. والعمال والضعفاء مااقدر اعطيهم بحكم اني بنت ومااقدر اطلع ع كيفي .. فقررت اني بإذن الله اكفل يتيم وان شاء الله ربي يقدرني وطبعا اجر كفالة اليتيم عظيمة
مع صيام كل خميس ان شاء الله لان الاثنين اكون مداومة فيصعب الصيام .. وقراءة القران لو آيتين كل يوم خير من سورة بالشهر او الاسبوع .. او جدول ختم القران مره بالشهر بتقسيمة ع شكل ورد بعد كل صلاة .. اذا تبغونة اكتبة لكم .. بالاضافة الى الاستغفار والتسبيح بشكل يومي ..
*وعلى هالاساس عملت لي جدول ديني.

ثاني جانب الجانب الجسدي ..
انا وزني الحمدلله مثالي واقرب للنحف وهالشيء عاجبني .. لاكن اللياقة عندي صفر بسبب قلة الحركة والخمول .. اكلي كله غيييييييير صحححي ادمان تشبسات وحلويات والكوفي ادمااان عليه لدرجة اصحى من النوم افطر ع ليز حار مع اسبريسو !! تخيلو -_- والفواكهة والخضار اكلها بالسنة مره
وهالشيء اثر ع صحتي وبشرتي فصرت من اي مجهود اتعب وجهي اصفر وشاحب ومافيه اي حيوية :(
وش سويت ؟ الغيت التشبسات والمقليات والمشروبات الغازيه من حياتي .. ابدا ابدا ماراح اشتريها ولا اكلها الا اذا وصلت لحالة صعبة خخخ
الفطور اهم وجبة بالحياه .. فقررت فطور لازم كل يوم بعد صلاة الفجر 7 تمرات مع كوب حليب
اضفت فواكهة وخضار وبيض وسمك لغذائي اليومي
*وعلى هالاساس عملت لي جدول غذائي.
الشيء الثاني الرياضة .. وماتتخيلون وش قد احب الرياضة ووش قد ظلمت نفسي لما عودت نفسي ع الخمول والكسل :(
الرياضة لها فوائد عظيمة جدا جدا للصحة العامة وجمال الجسم والبشرة ومن افضل الرياضات هي المشششي
فقررت امشي يوميا بعد صلاة الفجر وقبل الفطور لمدة نصف ساعة .. معلومة: المشي صباحا او الفجر احلى وقبل الفطور يحرق السعرات بشكل كبير عن باقي الاوقات وبعد الاكل للي يبغون ينحفون
ثاني شيء بما ان اللياقة عندي زيرو حملت برامج تدريب جباره للياقة الجسم وقوته .. وحددت وقت التمرين اخر العصر ان شاء الله
*وعلى هالاساس عملت جدول رياضة


السر:
تنظيم النوم وترك السهر .. هذا السر الخطير للمحافظة ع الصلاة باوقاتها لان بهالطريقة تكوني صاحية بجميع اوقات الصلاه والسبب الرئسي لتأخير الصصلاه هو النوم ..
من شهرين تقريبا وانا انام بدري واصحى بدري
انام بعد صلاة العشاء واصحى قبل صلاة الفجر من يوم اتبعت هالطريقة وانا انحلت كل مشاكل النوم عندي اول اعاني من ارق وعدم الاستغراق بالنوم اما الحين اغمض اول مااحط راسي ع الوساده ولا اصحى ولا اتنبه الا لما اقوم الفجر اضطرابات النوم كلها انتهت الحمدلله ومعروف مافيه مثل نوم الليل ساعة وحده تغني عن نوم النهار كله
بالاضافة الى جمال الصباح وشروق الشمس مساكين اللي مايعيشون لحظات الصباح الاولى لانها من احلى الاوقات قمة الراحه النفسيه والانتعاش والروووقاااان اللي احسها بهالوقت ..

الجانب الثقافي ..
انا احب مواضيع تطوير الذات والتفكير وادارة الوقت .. بالاضافة لمواضيع اخرى كالتاريخ والعلوم الاخرى .. ف كتبت قائمة كتب منوعة حسب اهتماماتي وحددت وقت للقراءة وقسمت كل كتاب لمدة شهر بحيث اقرا 12 كتاب بالسنة
بالاضافة الى انو ابي اتمكن من اللغة الانجليزية اكثر فحددت وقت يومي لمراجعة القواعد وتعلم مفردات جديدة
*وعلى هالاساس عملت جدول ثقافي

الجانب العلمي
بالمراجعة اليومية وتلخيص المحاضرات اول باول وعمل البحوث والمشاريع بوقتها
وحددت وقت من يومي للدراسة

الجانب الاسري
طبعا الام والاب اهم شخصين بالحياة .. والبر بهما ورضائهما من رضاء الله سبحانة ..
فقررت تخصيص وقت لهما من يومي لعمل شيء خاص بهما
مثلا امي اساعدها بشغله او اذا شفتها تعبانة اسوي لها كاسة شاي
وبابا اسوي له شاي من دياتي كل يوم لانه يحبه واجهز ملابسه بنفسي
والاهم من هذا الدعاء لهما بكل صلاة وكل ماسويت حاجة احتسب الاجر لي ولهم واذا كفلت يتيم راح اقسم المبلغ ع ثلاثة واحتسب لهم بدون علمهم ^_^
واخواني احبهم وادعي لهم دايم وبما اني الكبيره اساعدهم اذا احتاجوا اي مساعددة.

الجااااااااااانب النفسي
وهذا من اهم الجوانب بحااااول اتخلص من العصبية واتحكم باعصابي وادرب نفسي ع الاسترخاء والهدوء
بصير دايم مبتسمة وروحي حلوه واستشعر بالسعادة والراحة
اااابعد عن الاشياء اللي تضايقني واتجااااهلها
والشيء اللي يكدر خاطري اصلا مايستاهل اني افكر فيه واعطيه اهتمام ^_^


بررب لححد يرد $: