عزيزتي أم يامن خاصية الرسائل الخاصه معطله ,, من أمس أحاول أراسلك مافي حل حاولي تضبطينه
وشكرا

كلو تمام:11:

ياأخت لمبه الفكه من الجيران غنيمه انا حالتي مثلك لي سنه متزوجه ولا اعرف احد في العماره مع العلم ان العماره فيها 8 شقق والكل يزور بعض إلا انا وفي يوم من الأيام دق باب الشقه فتح زوجي ولقي شغاله تسأل عني دخل وقال فيه شغاله عند الباب رحت وشفت إيش تبغى اعطتني ورقه وراحت فتحت الورقه ولقيت مكتوب فيها انا جارتك اللي ساكنه تحتك ام فلانه وإذا عندك تلفون دقي علي على هذا الرقم والله ماتتصورين إيش سويت في زوجي وفي البيت من الفرحه بس ماأكتملة فرحتي :44: اخذت الرقم وطياران ادق عليها تعرفت وتعرفة عليه ودخلت مباشرة في حياتي مع زوجي كلام قالته والله ماينقال طلعت يابنات تتجسس عليه انا وزوجي يوم نكون في غرفة النوم (طبعا فهمتو) اللي اقصده انا انصدمت ونكرت كل اللي قالته مرت الأيام وجلست تتصل تعالي علت قلبي واقولها انا والله مشغوله ادرس دورة مكثفه في الكمبيوتر اروح الساعه4 العصر وارجع البيت الساعه9 الليل وانتم ادرى يوم ارجع زوجي يبغى عشاء والبيت والغسيل برغم من هذا كله ماتفهم زوجي تضايق منها قلي روحي يوم الخميس زوريها وبالفعل رحت وزرتها انا والوالدة دخلت عليها لبسه والله العظيم لين نص الفخذ شي يقزز دخلت امي المجلس وانا انتظرها تاخذ الصينيه من يدي وجلست تراقب شعري ومكياجي ولبسي المهم دخلت وضيفتنا وبدأت تغتاب الجاره اللي ساكنه فوقي ماخلت ولا بقت شي عنها شوي بدأت في اللي ساكنه بجنبها وهاتك ياقذف لها شوي في رجاجيل العمارة ان فلان وفلان وفلان يغازلونها انا كرهت نفسي يوم جيت اروح قالت تعالي افرجك على البيت شوي دخلتنا غرفة النوم وفتحت دولاب الملابس وطلعت لي ملابس حمل لأاني حامل ادعولي المهم قلت إيش ذا قالت خذيها حلال فيك وحرام في غيرك ايش التصرف السخيف ورديت عليها بكلمتين على قلبها ورحت بيتي وعلمت زوجي بكل شي صار وجلس يضحك ويقول هاذي انسانه تعبانه وبدأت تدق عليه يوم بعد يوم مرة ارد عليها وعشرة لا بس من المكالمات عرفت شخصيتها اول مكالمه تقول اموت من القهر اذا جاك ولد عارفه إيش معنىاموت والمرة الثانيه تقول بصراحه احس ان زوجك جنسي انا ماسكت لها رديت عليها وقفلت الخط في وجهودقت عليه من عند اهلها تعتذروقلتلها لاعاد تدقين على جوالي لأان جوالي مع زوجي والجوال كان معي بس سويت كذا اختبار لها والله العظيم انها في اليوم تدق من جوالها وجوال غيرها اكثر من10 مرات وغير رسايل الغزل سكت لحد كذه قال زوجي سايريها واكذبي عليها بشي ماصار دقت وسويت نفسي انه متزاعلين انا وزوجي الله يابنات فرحت فرح وبدأت تقول والله يشيخه حرام يسوي فيك كذه انا بصراحه مقهوره منك جمال وكشخه وطول حريم العمارة الكل يتكلم عنك بصراحه والله لفتي انظارنافي لبسك وكل شي بس اسمعي روحي لاأهلك وعرفيه قيمتك مارخيت منها لين تاكدت اني رايحه لااهلي ويمر الوقت وانا وزوجي ننتظرايش راح تسوي جات الساعه4 الفجر وإلا هي تدق تفكر ان زوجي لوحده وانا عند اهلي طبعا ماردينا وانااكلم اختي الكبيرة واشكي لهامن جارة السوء وبعد اسبوع تقابلت مع اختي عند اهلي وقالت انه وحده تعرف جارتك وكانوا جيران اكثرمن20 سنه ولا مدحت جارتك وتقولها خلي اختك تصك بابها وتنتبه لزوجها هذي معروفه انها لعابه مرت الايام والاسابيع ورجعت تدق وينك ايش صار معاك واخترع سالفه جديده بعد مااخلصت كلامي قالت اسمعي انا والله محرجه منك ماادري ايش اقول بس يالله جوزك والله امتحني يدق عليه ويغازلني اخذتها على قد عقلها اسفه على الاطاله من حر مافيه:27: وباقي كلام





اعرفي كيف تختارين جيرانك












وسلامتـــــــــــــــــــــكــــــــــــــــــم:26: :24: :26:

الى كل من قرا عن مشكلتي يساعدني ارجوكم الاخت لمبه وغيرها ابغي حل يحافظ على بيتي وزوجي لاان كلها كم يوم ان شاء الله واولد واروح لااهلي فترة الاربعين وانا خايفه على بيتي وزوجي في هذي العمارة المتوحشه انا واثقه في زوجي الله يخليه ويسعده ربي ويقرعينه بمولودة الاول انا اللي خايفه منه انها تتهمه بشي اواي شي خبيث يفرق بيني وبينه



ابغى حل مايكون فيه خراب للبيوت لاان زوجي قال بيكلم زوجها وانا رافضه هذا الشي قلت يمكن زوجها عقله خفيف ويروح يطلقها ايش ذنب البنت الصغيرة








ارجـــــــــــــــــــــــوالمــــــســــــــاعدة








وتقبلوا تحياتي:27: :26: :27:

صراحة مصيبتك مصيبة ياأهداب..

والله لو أنا مكانك..ضفيت عفشي وزوجي..ودورت بيت اليوم قبل بكرة..

إن شاءالله لو بخيمة..لاتعطينها فرصة..هذي مثل القطو أبو سبع أرواح..

ماتنقطع عنك حتى لو زعلتيها....وبتصير مثل السوسة..من تحت لتحت..

مافية حل غير أنك تطلعين من البيت..أو هي تطلع..

أما كذا..ماراح تستمر حياتك زي ماهي بوجودها وتجسسها..أقل شي تطيح زوجك بين يديها..

حتى لو كان عقل ويحبك..الباب اللي يجيك منة الريح صكة وأستريح..

الله يكون بعونك.