سنتين ومازالت بكر البنت !!!!

السلام عليكم ورحمة الله وبركاته

جمعة مباركة حبيباتي والله يوفق اولادنا وبناتنا في اختباراتهم

الحكاية باختصار وحدة من صديقاتي بالعمل حكت لي عن قريبة لها وهي متأثرة ومقهورة منها

البنت رغم مرور عامين على زواجها الا انها بكر وتقول لما تشجعت وسألتها ليه مأجلين موضوع الخلفه والعمر يمشي كنت اتوقع تقول زوجي مشغول واحنا لسه صغار او تصارحني اذا زوجها عنده مشكلة عشان نجبره يتعالج

لكن الصدمة لما قالت انها بكر !!!!! تقول انا ياريم اندهشت وصرخت بوجهها كيف ؟؟

قلت اكيد زوجك مريض او فيه بلى

راحت تبكي تقول والله انه ماشاء الله سليم معافى وبالعكس صابر ودموعه في عينه لاني خايفه ودايم ابكي لما يقرب مني

رحت صيحت عليها وانتي كيف ترضين على نفسك هالحال وش ذنبه المسكين يطلع عليه كلام وعليك انتي طيب

تقول اخذني عند دكاترة وكلهم قالوا سليمة عضويا لكن مدري ليه خايفه من العلاقة


الولد متحمل ودايم اسمع اخوانه يلمحون له بكلام يفشل وابوه معاهم

وهو متحمل على شاني

لكنه اخر شئ قال لي يابنت الناس والله مقدر اكمل وصعب اتحمل هالحال لانك كذا تضطريني للحرام

اللي قاهرني اانه مدللني ومو مخليني محتاجه شئ وحتى في اجازة الحج الماضية طلعنا سفرة رومانسية كلفته فوق ال80 الف بس حق اسبوعين يمكن نقدر نتجاوز الموضوع لكن مافيه فايدة

احس اني مسحورة او فيني عين


طبعا اخر شئ تقول انها بكت لانه هددها بالطلاق اذا ما انهت هالمشكلة خلال اسبوع !!!!

صاحبتي طلبت رأيي وانا بصراحة قلت تروح شيخ بسرعة لانه واضح ان زوجها معزم

لكن مين يلومه المسكين


وش رايكم يابنات