مرآآآحب حبوبات
شخباركم وشخبارك الأهل وكل من يعزّ عليكم..؟
قبل ماابدأ احب اقولكم اني ابد ماأحب اهذر اسم الله عليّ
الا اذا صرت بوقت الاختبارات :3_3_103:
عاد هنا وخّروا عن طريقي :35:
لأني كابتة عمري ومسكرة فمي ماعندي الا اتقلب بين اوراقي وملازمي
ومااصدّق على الله القى فرصة اتكلم والا احد يسألني عن احوالي الا واجيه مطامر اقص له قصة حياتي
ماعلينا..
>> وش بعده الله يسلمك :angry2:
ياطويلات العمر انا بالعادة ارجع من الجامعة وارقد على طول من غير لا اتغدى
عشان كذا اذا صحصحت بالمغرب لازم اسوي لي وجبة خفيفة لطيفة وبالغالب سندوتش وكوب شاهي
عاد قلت اصور لكم بعضا من سندوتشاتي واذا صلحت شي عقب بنزلها تشوفونها
>> خلص الموضوع وهذرتك ماخلصت
طبقي الأول
وقبل تشوفون بقولكم عن شئ
ترا انا ماعندي وقت اقعد ازين وبالأخير الاكل لي
يعني ماله داعي ازين واحوس الدنيا
:S_45:
هذا سلمكم الله
تجيبين سندويتش صامولي وتفتحينه نصين وتدهنينه باللي تبين
كل اللي عليك افتحي الثلاجة وحطي اللي نفسك فيه
هنا حطيت مايونيز وكتشب وخردل وصلصة الترتار
وبعدها حطيت شرايح طماط وخس
بعدها برجر دجاج مقلي او مشوي بالصاج مع شوية زيت
وآخر شئ واهم شئ "الجبنـــــــــــــــــة"
بعدها دخليهم الميكرويف دقيقة وحدة عشان يذوب الجبن
وتمتعي بالساندويتش مع كوب من الشاي
الطبق الثاني
ثلاث طبقات توست
الاولى تدهنينها بمايونيز او جبن سايل وتحطين عليها طماط وخس
بعدين تحطين الطبقة الثانية وعليها بيض مقلي
وعقب تغطينها بالطبقة الثالثة وتحمصينها بالتوستر او الحماصة العادية
الطبق الثالث والاخير
تجيبين شريحتين توست وتحطين بينهم خلطة مكونة من
( جبن شيدر - فص صغيرون ثوم - بقدونس او كزبرة )
وحطيهم بالحماصة وياسلآم عالطعم
وبالعافية عليكم
لآ تنسوني من دعوة حلوة بالتوفيق في اختباراتي وشوفوا توقيعي ^_^
:26: