لكن بصراحه تجنن
وأدمنا عليها بشكل مو طبيعي
وسميناها كودو..
نبدأبسم الله
والمقاديرحق اربع حبات من الصامولي متوسط الحجم..
المقادير:
صامولي_كفتة رضوى المجمدة لازم اللي اسمها رضوى_ملعقتين أكل أو ثلاث زيت_بصله حجمها متوسط مقطعه قطع صغيره_طماطه حجمها متوسط ومقطعه قطع صغيره_فلفل أخضر بارد بعضهم يسميه رومي حجمها متوسط ومقطعه قطع وسط لا صغيره مره ولا كبار_فنجان شاي مويه_فلفل وكمون بكميات قليله_ملح طبعا_مايونيز
الطريقه:
1-ناخذ من الكفته ثلاث قطع بس وتكون برودتها متوسطها لاهي سايحه ولا مجمده ,
نقطعها بالطول قطعتين ,كل جزء كل جزء نقطعه حلقات قد أنمله الأصبع
_بالنسبه للرجال يقوسها نص أنمله مضرب موب يد هههههههههه_
يمكن تطلع ست أو سبع قطع صغار, نتركها على جنب.
2-في طاوه نحط الزيت-ثم البصل-ثم الطماط-ثم الكفته_وفنجان الماي_
نرفع عليهاالنار ونحركها كثير
إذا بدت المويه تفور نهدي النار ونغطي الطاوه.
3-نضيف الفلفل الأخضر-والفلفل والكمون والملح-
ونحركه ثم نغطيه إلى أن يشرب مويته كلها ويكون ناشف,
وقتها نطفي النار.
4-نفتح الصامولي,
ندهنه من داخل بالمايونيز ,
ونحط من الكفته داخله ..
تتقدم مع بطاط مقلي وسلطه طبعا..
تقريبا كذا الشكل النهائي لها
يمكن أول ماتقرون الطريقه تقولون شغله وطويله ويمكن ماتضبط
بالعكس مره سهله ومايبيلها وقت
بصراحه جنااااااااان
بالعافيه مقدما
