كيفكم يالغوالي ان شالله بخير
:27:
اليوم بعد صلاة العشا احترت انا واختي وش نسوي لاهلي عشا
قامت بنت ابوها وجابت فكره مررره جنان
وقالت لي خلاص ا خرجي من المطبخ و خرجت
وماجا ربع ساعه بالكثير الا وهي مجهزه العشا
وكان لذيييييييييييييذ جدا جدا جدا الكل حبه مرره
وقلت لازم اعلمكم عليه فديتكم لانه سهل وبسيط ومايضيع الوقت
بسم الله نبداأ:
المقادير :
1)برجر الوطنيه او الكبير احلى اثنين مجربين .
2) ملفوف "كرنب"
3) جزر
4)زبادي روب
5) مايونيز
6) فلفل اسوود
7) ملح
8) خبز مفرود ومقطع انصاف
طريقة العمل :
ينقلى البرجر في زيت غزير وتخرجينه من القلايه وتنشفينه لانه يشرب زيت مرره
قطعي السلطه وحطي عليها المكونات
وبعد مايبرد البرجر قطعيه شرايح صغار متساويه او مربعات " ترابيع " على قولة اختي
واخلطيه مع السلطه وخذي الخبز وافتحيه من الوسط بعد ماتقطعينه انصاف
وحضريه مع بطاطس مقلي وبيبسي
والف صحه وهنا على قلوبنا وقلوبكم
وسامحوني لاني ماحطيت صور ماخلتني ادخل معها المطبخ
طردتني طرررده محترررمه هههههههههههههههه
وتسلم عليكم وتقول خليهم يدعون لي :)
:cook:
