قبل يومين سويت سندوتشات بالدجاج والنقانق وقلت انزلها لكم تستاهلون
سندوتشات الدجاج
قطعت صدور دجاج وتبلتها بالثوم وملعقتين زبادي واشوي بها الليمون وبهارات ايطاليه وبهارات الباربكيو وخليتها ساعه
بعدين حطيتها في تاوه وخليتها تستوي وتشرب مويتها وبعدين حطيت عليها بصل شرايح وخليتها الين ذبل وبعدين ملحتها وزدتها باربكيو ونص علبة قشطه وبكذا تكون جاهزه
مع خس وجرجير وشرايح طماط ومخلل خيار وشرايح جبن وخردل
اما انقانق حمست بصل وبعدين اعواد جزر وخليتها الين ذبلت اشوي بعدين حطيت الفلفل البارد والنقانق وقلبتها وحطيت بهارات وملح واشوي سكر وملعقتين كتشب وبعدين طفيت عنها النار وحطيت عليها ذره وكزبره واشوي شبث
وسويت صوص امسح فيه الخبز وكان عباره عن جبن سايل ومتبل فرنسي ومايونيز
والخبز لكم الحريه صامولي او تورتلا
يالله ابي الرود اللي تبرد القلب