سندوشتات الشاورما بعجينة الصاج من مطبخي ..

سلام عليكم ..

امس سويت سندوشتات شاورما مرة طعمها خطير
ولكم المقادير
أ/ العجينه
كاستين دقيق .. 2ملعقه كبيرة حليب جاف
1ملعقه كبيرة خميرة .. 1ملعقه كبيرة سكر
ورشة ملح .. الماء على حسب العجينه راح تكون طريه معاك لاقاسيه ولا لينه حطي المقادير كلها سوا و كوريها 7كور وبعدين تترك تخمر نص ساعه واذا فردتيها لاتكون رهيفه مرة وبعدين تحمر عالصاج وتحشى باي حشون انتي حابتها ..
حشوتي انا ..
صدور دجاج
فلفل رومي حبه كبيرة شرايح نحيفه
بصلتين شرايح + حبة ثوم مهروس
بهارات فلفل اسود وكمون وبهارات مشكله كلهم ملعقه صغيرة وملح على حسب تحبي كثير قليل..
بطاطس مقليه
وثوم طريقته
حبتين بيض خذي منها بياض البيض والصفار مو محتاجينه
فنجان شاهي زيت
3حبات ثوم غير مهروس
حبة ليمون معصوره كامله
ملح
الطريقه حطي كل المقادير بالخلاط الثوم وبياض البيض والملح وعصير الليمون وسيبيهم ينخلطون مررة لين يختفي الثوم ويصير بياض البيض زي الرغوة وهو يختلط حطي الزيت تدريجي خط طولي ان شاءلله فهمتو و لين يبدا يننفش الخليط ويصير متماسك تقريبا زي تماسك المايونيز
نجي للصور ..
هنا العجينه لما عجناها وكورتها بس ماصورت الخطوة ذي
وخمرت وفردتها وعالصاج بدون ماتدهنيه زيت فقط يدوب تصير فيها بقع سودة اقلبيها الجهه الثانيه وانتبهي تصير ذهبيه لانو بتتكسر خرجيها وحطيها جوت سفرة او صحن وغطي عليها بسفرة
http://store2.up-00.com/Nov12/rLl95912.png

ملاحظه لما تفردين العجينه ارجعي اطبقيها على بعض زي كذا
http://store2.up-00.com/Nov12/2AZ95912.png
بعدين اظغطيها بيدك وارجعي افرديها بس لاتكون عريضه يعني رقيقه بس مو مرة تتقطع !

هنا شوحنا الحشوة
http://store2.up-00.com/Nov12/KFa95913.png
واضح الثوم في الصورة تحت كيف شكله

بعدين حطي كتشب في الخبزة وفوقها ثوم وامسحيهم بالملعقه وحطي الحشوة والبطاطس
ولفيها الحشوة تكون بالوسط
http://store2.up-00.com/Nov12/MHI95913.png

بعد ماتلفيها حطي عالصاج وارجعي حطيها عالجهه الثانيه عشان تتقفل كويس وتصير مقرمشه ومن جوا طريه
تحسونها طويله هي سهله بس عشان الكلام كثير الا هي سهله ومابتطولون فيها ان شاءلله
وبالعافيه..