^_^
يالله انك تحيهن اليوم وصفتي خفيفه لطيفه ولذيذه يمي يمي اولادي وزوجي يحبوها مره
وان شاء الله تعجب الجميع
هي يمكن تشبه سندويتشات الكودو بس انا احط فيها اضافه خاصه *_^ وهي سر الطعم اللذيذ
نبدأ بسم الله
المقادير:
ماهي محدده وعلى حسب افراد عائلتك
صدور دجاج مقطعه مكعبات
بصل مقطع جوانح
فلفل اخضر مقطع مكعبات صغيره
فطر=مشروم طازج ولو ما عندك حطي معلب << انا من استخدمت الطازج استغنيت عن المعلب
لانه يفرق في الطعم كثير
صويا صوص حوالي ملعقه ونص الى ملعقتين
فلفل اسود
جبنه مدخنه وهو اضافتي وسر الطعم اللذيذ
وللي ما يعرفها
انا صورتها لكم ^_^
الطريقه:
نحمس البصل حتى يذبل وننتبه انه ما يحترق معنا
نضيف الدجاج المقطع ونحركه لين يتحمر ونضيف عليه الفلفل الخضر والمشروم
نضيف الصويا صوص والفلفل وشويه مويه ونتركها تكمل سواها على نار هاديه وننتبه ما تنشف مويتها عشان تصير السندويتشات طريه ومو ناشفه
وبس تستوي نضيف عليها الجبنه المقطعه
ونحركها دقيقه ونطفي تحتها النار
نجهز السلطه الي نحبها ^_^
ونمسح الخبز الي موجود عندنا شويه مايونيز(لاتكثري عشان لا يضيع الطعم) ونحشيها بالخلطه
ونحطها في شوايه الساندويتش
وهذا اول ساندويتش كان من نصيب بنتي ^_^
وهذي كانت نصيبي ونسيت واكلت منها قبل اصورها سوري ^_^
وصحتين وعافيه *_^
