*{ سندويتشات شيكن فاهيتا -دجاج فاهيتا }* على كيف كيفكم بالصور

السلام عليكم ورحمة الله وبركاته

كيفكم ياحلوين
حماس بعد مانزلت موضوعي الأول *{ بيتزا كاي}* الجامدة
http://forum.hawaaworld.com/showthread.php?t=1910739

قلت لازم انزل لكم سندويتشات شيكن فاهيتا - دجاج فاهيتا الأجمد

قصر الكلام .. المقادير والطريقة

المقادير:
6 صدور دجاج مقطعة شرائح رفيعة (جوليان على قولهم)
تتبيلة أو تنقيعة الدجاج اخلطي التالي مع بعض:
(ليمونة، علبة زبادي، صلصة ورشستر صوص، صوص الصويا ، ملعقة صغيرة دبس رمان ، 5 فصوص ثوم مفرومه، كمون، فلفل أسود، بابريكا، كزبرة مطحونة جافة، ملح ، كاتشب، شوي مويا ، معلقة صغيرة خردل، زعتر بري)
نقعي فيهم صدور الدجاج الشرائح الرفيعة لمدة ساعة وأكثر في الثلاجة.

تابع المقادير:
فلفل رومي أخضر- شرائح
فلفل رومي أحمر- شرائح
فلفل رومي برتقالي- شرائح
بصل - شرائح

خبز الفاهيتا التورتيلا ( انا اشتريته من الدانوب جاهز بلا تعب) 8 حبات بريالين يابلاش ولا التعب...
اشتريت اسمر وابيض.
قطعي خس على جنب
وصوص الساندويتش كالتالي:
ملعقة كبيرة مايونيز
ملعقة كبيرة جبنة سايلة
ملعقة كبيرة طحينة
ملعقتين كبيرة كاتشب
ليمون و فلفل أسود
واخلطي

الطريقة:
اشوي شرائح الدجاج على الجريل ( مرفق صورة)
احمسي البصل والفلفل الرومي مع بعض شوي بس خلي الوانه فاقعة ولما تاكليه يكون شوية كرنشي بالساندويتش

افردي الساندويتشات وادهنيها بالصوص وزيدي الخص والدجاج وكشنة الفلفل والبصل ..
وسكريهم بخلل أسنان عشان ماينفك..
في النهاية نظفي الطاوة المخططة الخاصة بالشوي الي شويتي فيها الدجاج وحطي عليها الساندويتشات عشان تعطي علم الشوي..
أو بشواية السندويتشات إذا عندك
اشوي معاهم بطاطس ودجز بالفرن.. مع بيبسي..
ياااااااااااااسلام بالعافية
شوفو الصور الناقصة دحين خخخخ