**&& سندويتش لسان الخروف الحبه بـ 5 &&**

السلام عليكم ورحمة الله وبركاته

حصريا في عالم حواء

سندويتشات لسان الخروف مو لسان عصفور :35:

ما ادري اذا كليتو سندويتشات لسان الخروف من قبل ولا لا ؟؟ بس طعمه لذيذ ..

وكنت مشتريه من فتره لسانات جمع لسان ولا اقول ألسنه بعد جمع لسان ؟؟ المهم

تغسلين اللسان وتحمرين بصل في قدر الضغط وترشين على البصل المحمر كركم وبزار ودارسين او قرفه مطحونه وعقب تشوحين اللسان بالبصل والبهارات وبعدين تفرمين طماطم وتخلطينه مع اللسان والبصل وبعدين تصبين اشويه ماي وملح وتسكرين الغطا وتخلينه نص ساعه في الضغط لين ما يستوي ..

وبعدين تطلعين اللسانات من المرق وتقطعينه بالسكين شرائح وتحاولين تشيلين العظام والغظاريف من اللحم علشان ساعات في آخر اللسان تحصلين عظم وغظروف
و
تجهزين

خبز ويستحسن يكون خاص للشاورما واذا مافي اي خبز مو مشكله تقطعينه مثلث

خيار مخلل

شرائح من الطماطم

بقدونس مفروم + بصل مقطع شرائح رفيعه + سماق والقليل من الملح

ملعقتين كبار من الطحينيه+ ملعقتين كبار روب + ملعقتين كبار مايونيز

او اي خلطه معتمده للطحينيه .. بس انا مااستخدمت الطحينيه البيضه استخدمت السمره علشان الطعم احسه احلى والنكهه ابرز ..

وتقطعين الخبز

تمسحين الخبز بخلطه الطحينيه
وشرائح اللسان
والبقدونس والبصل والسماق
والطماطم الشرائح
والخيار المخلل

وتلفين السندويتش بورق خاص للسندويتشات

ولو تقدرين تحطينه في جهاز تحميص السندويتشات يطلع احلى اذا تحبين طبعا

وتقدم مع البارد

بالهنا والشفا