سندويشات التونة الذيذة

خواتي العزيزات،،،

عندي لكم طريقة عجيبة لصنع سندويشات التونة راح تاكلوا أصابعكم وراها كل من أكلها من عندي عجبته وأخذ الطريقة وأتمنى تستفيدون منها ترى هي سهلة مرررررة وسريعة التحضير ولذيذة بنفس الوقت تنفع للعزومات كطبق مقبلات وعشان ما اطولها عليكم وايد وتقولون عندي هذارة خلنا نبدأ نكتب المقادير،، :3_2_8v:

المقادير:
- ربع صرة بقدونس مفرومة وممكن تزيديها أو تقلليها حسب رغبتك.
- 6 ملاعق كبيرة مايونيز ممكن تزيديها أو تقلليها حسب رغبتك بس هو كلما كان رطب كان أطيب.
- 4 علب تونا بالزيت لأنه أطيب من اللي في الماي
- عدد 1 بصلة بيضاء متوسطة الحجم مفرومة إلى قطع صغيرة
- عدد 1 فلفل أخضر (أعواد) الحار حسب الرغبة ممكن تزيديها أو تقلليها أو تستغني عنها بس هي السندويشات معاها أطيب.
- قليل من الفلفل الأسود

الطريقة:
- تتخلصين من كل الزيت اللي بالتونة وتحطيه بماعون غزير وبالشوكة تفتينه إلى قطع صغيرة بصير عندك مثل الدجاج شكله مفروم ناعم بالشوكة بس
- بعدها تجيبين البقدونس والبصل والفلفل وتخلطينهم مع التونة وتضيفين عليه الفلفل الأسود وتحركينه حتى يتجانسوا مع بعض
- بعدها تضيفين المايونيز وتخلطينهم مع بعض لحد ما يتجانسوا
- تحطينهم بالسندويشات وممكن تزينين طبق التقديم بالزيتون والخيار والخس
:10_8_9:
جربوها وادعوا ترى طيبة مرررررررة

وبألف هنا وشفا

وتحياتي لكم :27: