ياحبيايبي انا صرت سنعه وسويت عجينه أخذت طريقتها من منتدى أخر
قلت أجربها وأعرضها عليكم ........................
بسم الله نبدأ بالمقادير
كوب طحين منخول
ربع كوب زيت
3 ملاعق كبيره سكر
3 ملاعق كبيره حليب بودره (الحليب يمنع العجينه من تشرب الزيت اثناء القلي)
1 ملعقه صغيره خميرة
1 بيضه
ملح
ماء للعجن
الطريقه:
نخلط مقادير العجينه ونضيف الماء بالتدريج واحنا نعجن حتى نحصل على عجينة متماسكه .... ونستمر بالعجن مدة مو اقل من 5 دقائق حتى نضمن ان العجينه تكون معانا هشه
وهذا شكل العجينه بعد العجن ... ونتركها ترتاح ساعه ونص تقريبا
العجينه ماراح ترتفع وايد مثل عجينة الفطاير العاديه لان كمية الخميره قليله واحنا معتمدين انها راح تنفش وترتفع اثناء القلي
وبعدين فردنا العجينه بالشكل هذا
الحين نيي لدور القلي وهو مرحله مهمه
لازم يكون الدهن عميق ودرجة سخونته معتدله حتى نضمن اللون الذهبي وارتفاع العجينه ونضجها من الداخل
عاد انتي حطي الحشوه اللي تعجبك انا سويت حشوة دجاج ..........
وبالهناء والعافيه
أختكم أم أحلا لولي