:cook: سويت لعيالي وابوهم سندويش كودو واعجبهم كثير
قلت لازم اصوره لكم وانزله :tongue:
هو سهل بالمره ومقاديره موجوده في متناول الجميع خخخخخ
وهو اطعم والذ وانظف من المطعم
صورت لكم صورتين قبل التسخين وبعده
قلت بعد ماراح ابخل كليكم بالمقادير :wink:
عاد قولوا ماشاء الله ههههه
المقادير:
بصل مقطع شرائح طوليه
قليل من الزيت
دجاج مقطع شرائح
بهارات والملح والفلفل الاسود
فلفل بارد مقطع شرائح
3او 4 ملاعق صلصه الصويا
(طماطم,خس,ملفوف)
خبز صامولي ( سندويش )
مايونيز وكاتشب
اي نوع من الجبن(تشدر,او جبن الشرائح,او موازريلا)
الطريقة:
احمسي بصل مقطع شرائح طوليه مع قليل من الزيت
ثم اضيفي عليه دجاج مقطع شرائح واضيفي معه البهارات والملح والفلفل الاسود
بعد 10 دقائق او ربع ساعه اضيفي عليه شرائح فلفل بارد مقطع شرائح
اتركيه خمس دقائق ثم اضيفي عليه تقريبا 3او 4 ملاعق صلصه الصويا
بكذا نكون انتهينا من الدجاج
قطعي سلطه الكودو والتي هي عباره عن(طماطم,خس,ملفوف)
ادهني الخبز الصامولي بمايونيز وكاتشب
ضعي في وسطها حشوه الدجاج
وبالاخير ضعي السلطه وممكن اضافه اي نوع من الجبن فوقه(تشدر,او جبن الشرائح,وممكن تضعين موازريلا)
قطعيها وقدميها
وبالف عافيه ان شاء الله
عاد الله الله بالردود السنعه
لاتفشلوني :( اول مره اكتب في هذا القسم
شهيتيني ع ها الصبح وجاري الحفظ
ويعطيك الف عافيه وتسلم هالايدين
وحبيت اسال عادي لو اقلل من الصويا
وتقبلي مروري