سنغافوره

السلام عليكم و رحمة الله و بركاته

الغالية سنغافورة حلوة و نظيفة و جوها حلو لكن ما تستاهل زيارة أكثر من يومين لانها جزيرة صغيرة و ما فيها وايد اماكن و اسواقها غالية يعني نفس بضايعهم بتحصلينها في ماليزيا بنص الجيمة او حتى عندنا في البلاد نفس البضاعة تكون أرخص فيعني من حيث الاسعار فهي غالية (نحن صراحة رحنا يومين بس من اليوم الثاني ملينا قلنا زين ما حجزنا اكثر)

و السوق اللي عندهم هو في شارع اسمه ارتشارد روود و بعد عندهم سوق صيني
( هاي طبعا وجهة نظري شخصيا) لان توني ياية من عندهم فالمعلومات بعدها فرش:)

الله يكتب لج اللي فيه الخير و السموحة

مرحبا يا الغاليه انا صارلي سنتين من زرتها
زرت فيها حديقه الفراشات حلوه، حديقه الاسد او اظن اسمها بندروزا شي جذيه تروحين لها بالتلفريك،المكان اللي مازرته وتحسفت اكبر سينما في العالم تصعد فيها السياره بالاسنسير سألي عنها اكيد تستحق المشاهده ، عندهم بعد مصنع محلي يصنع الماس اسعاره غاليه بس عنده لوحات حائط مميزة كلها احجار كان في لوحه للكعبه المشرفه بارزة منها الاحجار روعه تبارك الرحمن بس ثقيله وكانت رحلتنا عدة دول فما قدرت اخذها لي الحين امزينه بيتي اللوحات الصغيره اللي خذيتها منهم وكل من دخل بيتي سأل عنها ، الجو رطب صيفي والسوق كله ماركات يعني غالي لكن اللي مستوى لبسها ماركات بالعموم راح يطلع عندها ارخيص لان كله تنزيلات
انشاء الله تستانسين

اشكركم خواتي ما قصرتوا
بنت خالي ناويه اتسير سنغافوره وحبيت اجمع لها معلومات

انا اذكر انه كان فيه جزيره صغيره فيها ملاهي شاطيء ومطعم ومحلات اسمها"سانتوسا"على مااظن..وهذي احلى شي زرناه بسنغافوره

اتمنى لبنت خالج سفره حلووه وممتعه ان شاءالله