السلام عليكم

اخباركم كلكم واخبار حلوينكم

البارح بعد ماتركتكم رحت تقهويت مع زوجي وبعدين صلحت له شاهي اخضر وكلمتني امي قالت انها بتروح لخالتي وبنتها كلهم نفاس الله يقومهم بالسلامه بكره تقصد اليوم الثلاثاء قلت خلاص بشوف زوجي وش يقول سالته وقال روحي معهم بعدها رحت غسلت مواعيني وجهزت اغراضي وخلصت شغلي كله ونمت بعد صلاة الفجر قمت مع اذان الظهر جهزت لزوجي اكله وهو تروش ولبس ولبست ولدي ولبست وطلعنا معه وداني لبيت اهلي وهو راح لدوامه الله يحفظه وانا الحين في بيت اهلي
وبس

دلوعه بريده لاتبطين فقدتك وفقدت الصور الحلوة نورينا بسرعه خلاص لاتبطين

مساء الخير جميعا
انا نمت على 4 وصحيت الساعه 2 سويت غداي وبديت بالخضار اغسلها وانظفها وبلفها بمناديل المطبخ لان قريت الطريقه من وحده بالمنتدى تسويها وتطول الخضار معها وانا معاناة مع ثلاجتي والخضار تخرب وبما اني بروح بكره ان شاء الله ولا راح ارجع الا الجمعه اخاف تخرب بهااليومين
لسى ماتغدينا ولانظفت المطبخ بعد الغداء ان شاء الله انظف واطلع ملابس حاطتهم بالغساله
لاني المغرب بروح اعزي ناس متوفي ابوهم الله يرحمه ويصبرهم يارب
لنا لقاء بعد مااخلص ودي اسير عليكم العصر اذا خلصت شغيلاتي سلاااااااااااااااااااااام للجميع

هلا انااااااااااا اخبارك واخبار ذرك على قولة وحده من اقارب زوجي

عظم الله اجركم في هاللي ميت الله يغفر له ويرحمه ويصبر عياله امين ويرحم والدتك وخالتي وجدتي وموتى المسلمين امين

السديم
اذا فضيتي عطيني مسج على الخاص عشان ننظف سوا
الله التنظيف كنس ومسح غبار فقط
واحب اشفط الكنب من الغبار براس المكنسه المخصص للأثاث
وشوكرن

احب الخير
رجلي موب راعي عزايم ابد
ماقد دخل بيتي خلال سنوات زواجي ال4
الا ابوه واخوانه
وآخرمره جوني فطور برمضان
وهي آخرمره نظفته فيها خخخخخخخ
كسلانه
واما ضيوفي مااحب استقبلهم بالمجلس
اكرهه مااحبه
:(
استقبلهم بالصاله والمقلط
وشوكرن

الأموره الحلوه
حلو دام عندك مكوى السراميك يسوي اشياء حلوه للشعر
انتي ابحثي باليوتيوب وتلاقين التسريحه الي تبينها
ومو لازم تشتري شريطه ساتان
لوعندك عقد ذهبي طويل
حطيه بدال الشريطه بيطلع حركه

دلع جده
عندكم العطار (بن منقاش)بجده؟
عنده سكر اشكال والوان
ونكهات مختلفه
بالحبق والنعناع والزعفران
مره حلو
باقي البنات سلامي لكم كلكم