سكره
روح
مشكورين حبيباتي
بوح شوفي ردي على بنت نوره
خيره انكم ماسافرتو للديره
يااااااااه شوقتيني لكشكات الشفا وشوقتيني للطايف وللورد>>>وش بقى؟
ياليت زوجي ياخذ اجازه واجيكم مشتهيه فاكهة الطايف وابي اشتري لعيالي من سمينا بنفسك>>>كلن على همه.
ــــــــــــــــــــــــــــــــــــــــ
ندى
ماشاء الله سنعه حمستيني انا كنت معك مننظفه عميق للمطبخ
متى ناويه تنظفينه؟
اما سالفة القميص انتي مثلي عندي قميص قطن سيور وسيييييييييع احب البسه اذا جيت اشتغل
وزوجي يقول ياويلك لو اشوفه عليك ودخل مره وشافه معلق في العلاقه وشقه نصين>>>خخخخ
يقول فكيني منه كنك طراره ماعندك لبس!!!ههههه
وكل مادخلت سوق ادور مثله او مشابه له ومالقيت
مدري وش سر حبي له.
ـــــــــــــــــــــــــــــــــــ
حلم الحراير
نقلتو للرياض والا لسى؟
ـــــــــــــــــــــــــــــــــــــ
قهوة الصباح
ماشاء الله سنعه
ومبروك خلصتي الامتحانات وان شاء الله نبارك لك بتخرجك.
ــــــــــــــــــــــــــــــــــــ

السلام
يومياتي
صحيت الساعة 11 صباحا صلحت الفطور لي ولبنتي
بعدين جا اخوي جلست معاه لين الساعة 2 الظهر
رحت اجهز الغدا وتغدينا بعدين نامت بنتي
الانجازات اللي سويتها اليوم
تروشت وحفيت شعر جسمي
غسلت الفرن وعيونه
رتبت ملابس بنتي في دروجها وصار الدرج يفتح النفس
كويت كل ملابس زوجي شماغ والملابس الداخلية و3 اثواب
رتبت الممطبخ ترتيب حلو صار يفتح النفس
وروشت بنتي
كل هذي الاشغل قبل المغرب لا ن بعد المغرب جلست اتجهز معزومه على العشاء
رحت بعد الاذن ورجعت على الساعة 11.30 وسلامتكم
يله تصبحون على خير

الاموره الحلوه
مبروك الحمل الله يثبته ويرزقك الذريه الصالحه
ـــــــــــــــــــــــــــــــ

السديم
يمكن خيره لك انك ما تروحين
ليش ما تحاولين تصلحين الفستان بنفسك او تخلين اختك توديه احسن
اما المكياج والشعر سوي شبء ما يبين التقصف اللي فيه والمكياج سويه انتي تعالي شوفي شعري من سنه تقريبا ما رحت للمشغل رفض زوجي يديني وش سويت مسكت المقصت وقصيت للي غره وقصيته كم طبقه يقولون طال وطلع بالتدريج احلى

السلام عليكم

اليوم بعد ماطلعت منكم قمت على مطبخي ونظفته من قلب

الحين فيني النوم بنوم فروسي وانام وبكرة اكتب لكم تفاصيل يومياتي

باي