سنـــــــــــــــه أولى زوآج .. دعوه للمتزوجات والمقبلات على الزوآج

مرحبا بنات

موضوعي هذا اكيد يهم الكثير خاصه المتزوجات حديثا وذلك ليطلعوا على خبرات الغير

واكيد الموضوع هذا بيفتحهم على امور كثيره غافلين عنها

ومن موضوعي يمكن يكتشفون ان مشاكلهم متكرره في كل نواة اسره جديده

طبعا مع قدوم عطلة الصيف هذه في كثير من الي بيتزوجون خلالها موضوعي انا لا يعني هذه الفئه بل يخص المتزوجون خلال عطلة الصيف الي فاتت

ودي اناقشهم

ودي نتبادل الاراء والهموم والتغيرات الي طرات عليهم

ودي استفيد من خبرتهم وافيد المقبلات على الزواج كي لا يتفاجئون بالزواج خاصه السنه الاولى منها

كثير الي قال وسمعنا وملينا من كلمة الله توكم معاريس مشاء الله الي يشوفهم يقول اكثر ناس سعدا لانهم توهم في بداية الطريق والدلع وهلم جرا

ولكن في الواقع انا اشوفه تصور خاطىء لانه بالعربي اول سنه مليانه مشاحنات ومشاكل وهواش صح تكون من اشياء تافهه ولكنها تكبر مع النقاش الحاد مع بعضهم البعض ..

يجب على كل صديقه وكل اخت كبرى وكل ام ان تنبه بنتها لهذه النقطه كي لا تقع في فخ الحزن والصدمه من الحياة الجديده

طبعا انا سئلت كثير عن الموضوع هذا لانه مارقني من جد خاصه احس ان الي يعانون منه كثير فئة البنات المدلعات في بيت اهلهم هذي من جد تبي تنكب معليش كلمه عربجيه نوعا ما ههههه ولكنها معبره

الي استفدته من الي سمعته بقوله لكن والباقي ودي اسمعه منكم ومن تجاربكم

1- يوه انا اول سنه كنت اقول في نفسي وين الفكه بس والحين بعد كم سنه زواج ما اتخيل نفسي بدونها
( هذي مقوله جعلتني اتفاءل كثيييييييييييييير )
2- اول ست سبع شهور لازم تكون ضغوط بعدين لازم يكون فيه تنازلات من الطرفين عشان الحياة تمشي
( هذي المقوله منطقيه ولكن اذا تزوجت البنت واحد راسه يابس وش السواة )
3- هذي وحده لها عشر سنوات متزوجه تقول فكرت بالطلاق كثير واخر مره لزمت علىالطلاق ولكنه شرط ان بنته تكون معه فما تحملت ورجعت له وتحملته الين الحين الحمد لله استقروا ولكن بعد معاناة سنين طويله
4-في السنه الاولى كنت ادعي يارب تسخرنا لبعض ولا تفرقنا لانها كانت سنه لا تطاق والان هي في قمة السعاده
( ماشاء الله )


والكلام يكثر في هذا المجال

حبيت مشاركاتكم للاستفاده منها وعلشان البنات الي توهم لازم يعونها ما يكونوا قطط مغمضه

اتمنى مشاركة الجميع سواء مواقف شخصيه او قصص سامعينها خلونا ننبسط ونستفيد في نفس الوقت


وسلامتكم
:biggrinlo