سنفرة تنعم الجسم تخليه حرير

السلام عليكم ورحمة الله وبركاته ،
شخباركم بنات ❤️
هاذي سنفره تخلي الجسم ناعم حريييير و تفتح وتوحد اللون مع الاستمرار لان كل مكوناتها تفتح البشره 👍🏻
واهم شي تشيل الجلد الميت كله وتخفف البقع والاثار وحتى تحل مشكلة الشعر اللي تحت الجلد 🍃
وتعطيج شعور بالدلع والاسترخاء 💅🏻 وملابسج تتزحلق عليج من النعومه... 😉
.
. ✳️ مكوناتها : ( الكميه براحتج انا بالنظر اسويها ..وعادي تسوين كميه وتحتفظين فيها ماتخترب ) . .
🌸 ملح الحليب اي نوع تحبين ...في نوع بالتوت ريحته حلوه 👍🏻
. .
🌸 زيت لوز . . .
🌸 جلسرين سائل ( الجلسرين يكون اكثر من اللوز ) .
اخلطيهم بالكميه اللي تبين وقوام السنفره خليه مثل ماتحبين.. ممكن تخلينه زيتي او رملي .
.
✳️ طريقة الاستخدام
اهم شي طريقة الاستخدام عشان تعطيج احلى نتيجه 💕
طبعا السنفره بتكون بعد الصابون او الشور جل و بتكون اخر خطوه في الشور وماتحتاجين ترطيب بعدها ✋🏻
.
اول شي تخلين الماي الدافي المايل للحراره ينزل على جسمج عشان الجلد يصير لين ( الماي الحار لايقرب الشعر بس الجسم ) بعدين وزعيها على جسمج وانتظري خمس الى سبع دقايق لين الملح ياخذ مفعوله ويلين الجلد ..بعدها ابتدي سنفري جسمج بحركات دائريه وبنعومه بدون ضغط ابدا خاصه الركب والاكواع الفرك القوي يسمر مايفتح ❌ واصلا ماراح تحتاجين عنف الجلد بيكون لين
وركزي على الاماكن اللي فيها اثار او شعر تحت الجلد ..
بعدين اغسلي جسمج بس بماي ونشفي جسمج واستمتعي باللمعه والنعومه 💕💕 .
هاذي صورة السنفرة والمكونات :