منقووول من منتدى كوويتيات لـــ مزيونه وشقره << يارب يعطيهاا العاافيه
بنات تكفووون ادعوولي بمعدلي يرتفع الله يخليكم لاتنسوووني وضعي صعب جداً جداً جداً
المهم ذي السنفره روعــــــــــــــــــــه (( مثل ماستفدة ابي افيدكم ))
خلطه تبييض جديده ماتاخذ من وقتج دقايق تبييضها عجيب وتصلح للاماكن الغامجه في الجسم وتصلح للسيقان وتعطي لمعه للجسم وانتعاش ونظااافه
يبتلكم شغله فادتني للجسم
صارلي فتره أسوي هالخلطه الحلوة اللي ماتحتاج منج خلط يوميا ولا تعب يعني تخلطينها وتحطينها بعلبه وتستخدمينها متى مابغيتي الخلطة مكوناتها حلوه وتبييض وتنعم
شوفوا الخلطة وشوفوا مكوناتها
- علبه سنفره المشمش الأصلية تلاقونها عند مركز السلطان هذي اللي اضمنها تكون أصليه ميه بالميه
- ثلاث أرباع جيس من ملح الحليب يوكو سبا الأصلي تلاقونه عند العطارين وسوق الفلبن
- ملعقتين كركم جسم
- 3ملاعق سفيد اب حجر ابيض إيراني
- 3ملاعق بودرة اطفال جونسون
- اشويه ماي ورد حسب حاجه الخلطة
-*** زيت اللوز المر اشويه للي بشرتها جااافه حيل انا شخصيا ما أحطه بس اللي بشرتها جافه تحط منه بقدر حاجتها ***
يالله
بسم الله
نبتدي
ون
تو
ثلاثه
الطريقه الرقيقه
اخذيلج طاسه صغيرونه وحطي فيها سنفره المشمش فرغيها كلها من العلبة وحطي فوقها ملح الحليب وخلطي عدل مدل وبعدين كركم الجسم وخلطي عدل مدل وبعدين السفيد اب وبودر الاطفال وخلطي وخلطي اذا شفتي المكونات يبست السنفره زيدي اشويه ماي ورد بس اشويه مو تقولون ماااقلت اشويه لانج اذا حطيتي وايد بتسيح الخلطة
وعقب حطي الخلطه في علبه جديده واستخدميها مثل أي سنفره وممكن تخلينها في الحمام وانتوا بكرامه عادي مايضرها شي إن شاء الله واذا تبين لاستخدام واحد بس زيديها هرده او ليمون او زيديها طحين نخي او روب او عيش مطحون من هالشغلات الحلوه للجسم انا شخصيه استخدمها بروحها بس انصحكم بهالاضافات لانها حلوه بس تظيفونها للمره الوحده يعني تعزلين الكميه اللي تكفي جسمج وتحطين عليها اللي تبينه من المكونات الطبيعيه
<<<>> وطريقة استخدامها<<>>>
تتسبحين وتتليفين في أي صابونه عندج او مرتاحه عليها وعقب تغسلين وتحطين هالخلطه على جسمج وزعيها على الجسم كاااامل والإبط والأماكن الحساسة وخليها على جسمج جم دقيقه وبعدين ابتدي في فرك الخلطة على جسمج بشكل دائري في كل مكتن حطيتي فيه الخلطة وعقب ما تفركينها خليها دقيقه بعد قبل لاتغسلين وبعد ماتغسلين تنشفي عااادي ونعيما
هالخلطه تبييض وتنعم واااايد وتلاقين نتيجه بالنظاافه والانتعاش و بالنعومه أول شي ومع الاستخدام تلاقين توحيد لون وتبييض انا استخدمها مره الى مرتين بالأسبوع بصراحة تهبل واترك التجربه لكم
تكفــــــــــــــــــــون تكفون ادعوولي معدلي يرتفع
ياحي ياقيووم الطف بحاالي ياحي ياقيووم فرحني بمعدل مرتفع امــــــــــــــــــــــــين ..)
لاتغرك @latghrk
محررة فضية
يلزم عليك تسجيل الدخول أولًا لكتابة تعليق.
RAY OF HOPE
•
الله يوفقك يارب ويرتفع معدلك ويسر لك امور دينك ودنياك
مشكووووووره اكيد بنجربها اذا كانت من خلكات مزيونه وشقرا يكفي خلطتها الصابونيه عذااااااااااااب
جزاك الله خير على النقل
جزاك الله خير على النقل
الصفحة الأخيرة