شوفو يا حبيباتي أنا مره نزلت موضوع من يفك لي شفرة السينابون على هالرابط و الأخوات ما قصرو جزاهن الله كل خير
http://forum.hawaaworld.com/showthread.php?t=2491259
المهم وصلتني رسالة على الخاص من الأخت .. نعومة ورد ..ربي يسعدها دنيا و آخره يا رب و علمتني بسر
و لما عملت بطريقتها لأول مره في حياتي ما شاء الله لا قوة إلا بالله يتم السينمون رولز طري حتى بعد ما يبرد....أنا متعوده من يبرد يصير حجاره بس مع هالطريقه راح يتم طررررري
و هذه طريقة .. نعومة ورد .. كما ارسلتها لي جزها الله خير :
تجربتي
هذا طحين الكيك اللي تقصده الأخت
أنا طبقت نفس الطريقه يا اخواتي و بالفعل طلعت طريه المره الاولى بس انتفخت كثير بس كانت غاااايه الطرااااوة.....
المره الثانيه طبقتها بس نقصت الخميره و حطيت بس ملعقه صغيره واحده ما انتفخت مثل المره الاولى و كان شكلها ارتب و بعد طيبه... بس في المره الاولى كانت اطرى....
و كذلك خففت كمية السكر ....لإن خليط الكيك اصلن فيه سكر
المهم إنتي سوي العجينة اللي ترتاحين لها بشرط ما يكون فيها بيض .....و ما تحطين فيها بيكنج باودر و الخميره ما تزيد عن ملعقتين...
المهم يا غاليات بعلمكن شغله يمكن كثير منكم يعرفها....
بعد ما تعجنن و تخمر العجينه طبعاً تعرفن طريقة تشكيل السنمون رولز مليون موضوع في المنتدى عنه بعد ما يبي لها شرح....الموووهيم....بعد ما تشكلونها و تحطونها بالصينيه غلفو الصينية بالورق الشفاف او بفوطة نظيفة مبلوله (يعني اغسلي الفوطه و اعصريها و غطي الصينيه )) و خلوها تخمر بعد التشكيل ساعه (( و هذا مهم جداً لإن يعطي هشاشه للعجينه )) يعني بهذا الشكل هذا بعد ما خمرو
بعدين طلعيهم من الفرن و شغلي الفرن لين ما يوصل درجة الحرارة المطلوبه اللي انتي متعوده تخبزين فيها....و شلي التغليف البلاستيك طبعاً ما أعتقد تبين تأكلين سنمون رولز بنهكة البلاستيك خخخخخ :42: و دخليهم الفرن و هذا بعد ما طلعو و حطيت عليهم الصوص و الفروستيج...هذه الصورة لتجربه الثانيه
تبارك الرحمن ما شاء الله لا قوة إلا بالله
و غلفتهم بهذا الفورستينج....Cream Cheese Frosting
الأخوات في الموضوع السابق نصحوني بتلبيست او فروستينج الفانيلا بس أنا حصلت فروستينج بطعم الجبنه الكريميه Cream Cheese Frosting
و هذا هو اللي اصلن يستخدم حق السنمون رولز....فأخذت هذا النوع و بفعل طلع نفس الطعم اللي يستخدم في محل سينبون...بس على فكرة تقدرون تسونه في البيت بعد...و إذا تبون طريقته أنا حاضره
إضافـــــــة
الأخوات اللي طلبو طريقة العجينه اللي استخدمتها
*حجم الكوب (( المقياسي 250 مل ))
المقادير
4 و نصف كوب طحين أبيض....+ كوب من خليط طحين الكيك الأبيض اللي شفتو صورته
ملاحظة: إحتمال تحتاجون زيادة شوي طحين وقت العجن
كاسين ماء فاتر
6 ملاعق حليب بودرة
2 ملعقة صغيره خميرة
ملعقتين طعام سكر
نصف كاس زيت
ملعقة صغيرة ملح
الطريقة
أنا طريقتي في العجن اخلط السوائل مع بعض + الخميرة و السكر
و النواشف مع بعض ( الطحين و الحليب البودرة)
ثم اضيف السوائل فوق الطحين و اعجن لحد ما تصير عندي عجينة طريه و اتركها تخمر ساعه
و سلامتكن و إذا استفدتن من موضوعي ادعن حق اختكن ثلج بالخير والشفاء و بعد لا تنسن ..نعومة ورد...ادعن لها الدعوات الطيبه...
و في آمان الله
تسلم يدينك خيتوو