ايش هالاسلوب

ووين اسلوب التربية اللي دارسينها هالمعلمات واللي عشانه توظفوا

حسبي الله عليهم بس
لو تقدرون تضغطون على انفسكم هالسنة تدخلونها اهليه احسن لها من الحكومية
لين تتعود على جو المدرسة يكون افضل لها

الله يعينكم

انا بنتي بصف أول السنه
لكن الحمد لله ما شفت شي سئ بالتعامل والاسلوب
بالعكس احتفلوا بالبنات وزفوهم في اول يوم والبرنامج مكمل لين بكره بأذن الله
ومدرسة بنتي حكوميه : )

الصراحه كنت بكتب بس روضه ولدى فى روضه اول شى المعلمات تخيلى جت طفله صغيره للمعلمه وقالت ياخاله قالت المعلمه باستهزاء خاله قولى معلمه ثانيا تخيلى الروضه مليانه العاب الله يعز الحكومه وحاشرين الاطفال فى غرفه وحده ويصارخون عليهم

اولا احب اعتذر عن التأخير في الرد لان النت انقطع وحسبت الموضوع طار ويوم اني ابحث في ملفي لقيته
واحب اشكركم يالغاليات على التفاعل مع موضوعي ......لكن اني مدهشه من ردودكم
معقوله ان بس هالمدرسه كذا؟؟؟
يعني ردودكم كلها مدح للمدارس وتعطي صوره ورديه وطبها هذا الي كان ببالي قبل لا اروح
مدرسة بنتي وانصدم.
طبعا المدرسه حكوميه وانا درست فيها يوم اني طفله وتخرجت منها وكانت بنفس نمط القسوه
وكان في معلمه كله تفلص اذني بقوه لدرجة الدم يطلع بس اتوقعت انها صارت من الماضي
وراحت مع الديناصورات لكن تعرفون المصيبه ايش؟؟؟؟ خخخخخخخخخخخخخخخخخخ
قسما بالله ضحكت وبكيت بنفس الوقت يوم ادخل الادراه اليوم الاربعاء علشان اتفاهم مع الادراه بخصوص
بنتي ولقيت نفس المدرسة صاحبة اقوى صبع يقرص الاذن صايره نائبة المديره
@@
@@
@@
وربي تبلعمت وماعرفت شقول وهربت منها وكأني بزره ام ست سنين
بعدين رحت فوق لبنتي وانا مقهوره جدا لان حطوها بفصل ب
الي مافيه معلمه واحتمال يوم السبت يوزعونهم على الفصول
والمصير مجهول ومدري بتكون مع مين.
اخذت الكتب وماادراك ماالكتب
13 كتاب لاول ابتدائي@@
ماني مصدقه هذا غير انهم طلبوا خمسين ريال حق خمس ملازم اضافيه
وطلبوا للفنيه
كراسه ابيض وسط
كراسه ملونه وسط
كراسة قص ولصق
الوان شمعيه
الوان سحريه
الوان مائيه وشارطين انها عصارات الي انا مااعرف استخدمها كيف بنات ست سنين
صمغ ومقص ومعجون وصحن بلاستيك وشنطة جديده بلاستيك امسحاب علشان تلم هالقش
يا جماعه معقوله طفله ام ست سنين عقلها بيتحمل كل هالزحمه
الله يرحم ايام زمان ((كلها كتابين ومصحف )) ويا دوب نستوعب
جنووووووووووووووووووووون هلي جالس يصير.
طبعا هذا غير جمعتنا اليوم بنفس الجو المعفن والحار
والتشرط ان مانجي ابدا مع بناتنا
لو انضربت البنت يقولون اسكتي ولا تجينا على اقل شئ
تحذير من المشرفه وبصوت صراخ تقول((بخوا شعور بناتكم بفليت كل اسبوعين لان محنا مسؤلين عن القمل))
وماعندنا ادويه حق قمل نعطيهم...طيب قولي اشتروا شيكوا مو تقولين فليت عاد
لازم يوميا تدرسينها قبل لا تجي والمعلمة مجرد تقييم.
اجل ليه دخلناها مدرسه بالله عليكم
لو قالوا تعاونوا معنا ويدنا بيدكم وتصير البنت كانت قلت هذا الصح
لكن المعلمات يقولون الي تغيب مالها شرح نهائي
انتي يالام تشرحين لها وتحفظينها وتحلي الواجب وتجيبيها.
.....................................
الي تقولي انقليها اهليه بقولك ماعندي اى امكانيات ادخلها خاصه
وماعندي اساسا احد يودي ويجيب المدرسه قريبه وانا اوديها مع سواق بيت اهلي
لانه فاضي الصباح وانا ساكنه جنبهم.
ياربي الطف فينا ووفق بناتنا والله يعنيهم على الجاي
بصراحه كل شئ صار صعب والطفوله ماتت يبون بناتنا مايبكون مايخافون وكأنهم بنات عشرين سنه
يقولون البنات كبار وخلوهم يبكون الي يسكتون.
يعني مافي لا رفق ولا حنان ولا شئ نهائي
وترى المدرسه في الدمام واسمها (................)
مابقدر اذكره خوفا من المسؤليه.