الانسان لايولد من بطن امه متعلم خوذيها قاعده وتذكري ماحك جلدك مثل ظفرك فتولى انت جميع امرك هذه حياتك وهذا زوجك جنتك ونارك حاولي بكل الطرق انك تفهمينه انكم لسى في بداية حياتكم واوعديه بإنك سوف تجعلي له البيت جنه ولكن بشوية صبررررررررر وصدقيني رااح تنجحين بهذ ه التجربه

خذلني الوقت

اختي من كلامك عن زوجك فهمت شخصيته

لاني اعرف انسانة قريبة مني زوجها بنفس الشخصية

جدي ويحبط

بس من داخله شي ثاني

وكانت متشائمة ومتضايقة من حياتها لابعد حد

بس يوم عن يوم زاد التفاهم بينهم وصاروا يفهمون بعض



ادعيله الله يحنن قلبه عليك

انا مو متزوجه بس صديقتي اول حياتها رغم ان زوجها يقرب لها ويحبها

طفشت وتعذبت وكان مايجلس معاها كثير ولايتكلم

انصدمت مررررررررره

شوي شوي لما تعودت اكثر وهو تعود عليها

رجعت انبسطت والحمدلله..

مع مرور الوقت ان شاء الله بتصيرين ربة بيت ماهرة وغالبا الازواج في بداية الحياة الزوجية
يحبون يفرضون سيطرتهم على زوجاتهم ويظهرون قوتهم وبعد ماتزيد الالفة يخف تدريجيا بس عليك بالتعامل الحسن معه واللطف واللين عند طلب اي امر ...
لي كم سنة متزوجة والحمد لله استطعت فعل اشياء كانت من الممنوعات عند زوجي لكن ماكنت مستعجلة وماكنت الح بشكل مقلق بس كان طلبي باسلوب مرح واحيانا سرد القصص بطريق غير مباشر...
الله يوفقك ويسعدك ..

اممممم شوفي..اولا ..كل الي قلتيه اشياء عاديه في بدايه الزواج وماتوصل للطلاق ابدا شيلي هالفكره من راااسك..وحطي قدام عيونك ثقتك بنفسك قبل كل شي ..اذا كانت نفسيتك مو كويسه ومانتي واثقه من نفسك ماراح تقدري تتغلبي على هالهزه الارضيه البسيطه في حياتك:)

ثانيا .اعرف كذا حاله مثل زوجك اول الزواج جديييين ومايدلع حرمته كثير عشان يقالك لاتخرب عليه ..بس احتمال كبير وهذا الاغلب انك مابعد عرفتي تطلعي الي جواته والوجه الثاني له وطبعا ماتنلامين لانك مالك فتره طويله ..بس حبه حبه بتعرفين طباعه وحقيقة مشاعره لان حتى المشاعر في اول الزواج مايصرح بها ..يبي له فتره لين يتعود عليك ةيرتاح لك وبيطلع لك الكلام السنع <<عن تجربه

بعدين سالفه التزين هذي مو من صالحك ابد تهملينها لانك اولا بتكسبين ثقة بنفسك ثانيا لا تخلين له فرصه ابد يعايرك ويقول فلانه احسن منك ..ردي عليه ولاتسكتي قولي وش ناقصني وبثقه وقولي انا بيضاء ومملوحه وفيني وفيني...ترى والله الرجال لو كنتي شينه وعطيتيه ايحاءات معينه انك جميله والناس معجبين فيك يصدق..فما بالك لو كنتي اصلا فيك مميزات بس عززتيها وابرزتيها !!!

وبالنسبه لسالفه الطلعات والتمشيات جربي كل الطرق معه الدلع او اهتمي فيه سوي له اشياء الي يحبونها الرجال مساج او طبخ او غيره واقرنيها بطلباتك والي تبين يسويه لك ..او جربي الزن تراه له مفعول عجيب:42:

الخلااااااصه انك توك في البدايه و4شهور ماهي مقياس ابدا بس مايمنع انك تشغلين حاستك السادسه وكيد الحريييييم :26: